જો તમે પણ એરટેલમના ગ્રાહક છો તો તમને ફ્રીમાં યૂટ્યુબ પ્રીમિયમનું સબસ્ક્રિપ્શન મળી શકે છે. ફેસ્ટિવલ સીઝનમાં કંપની ગ્રાહકો માટે ખાસ ઓફર લાવી છે. તમને 3 મહિના સુધી ફ્રી યૂટ્યુબ પ્રીમિયમ એક્સેસ મળશે. આ સબસ્ક્રિપ્શન એરટેલ થેન્ક્સ એપથી લઈ શકાય છે. જોકે, હાલ આ ઓફર સિલેક્ટેડ ગ્રાહકો માટે જ છે. કંપની ગ્રાહકોને આકર્ષવા માટે Disney+ Hotstar VIPનું ફ્રી સબસ્ક્રિપ્શન પણ આપી રહી છે.
જોઈ શકશો એડ ફ્રી વીડિયો
તમને જણાવી દઈએ કે, યૂટ્યુબ પ્રીમિયમથી તમે એડ ફ્રી વીડિયો જોઈ શકો છો. તેમાં ગ્રાહકોને બેકગ્રાઉન્ડ પ્લેબેક ઓપ્શન પણ મળે છે. સાથે જ યૂટ્યુબ મ્યુઝિક અને યૂટ્યુબ ઓરિજિનલ પણ હશે. આ ઓફર ભારતમાં 22 ઓક્ટોબર 2020થી લઈને મે 2021 સુધી રહેશે.
કયા ગ્રાહકોને મળશે ફાયદો
એરટેલનું આ પ્રીમિયમ એક્સેસ એવા યુઝર્સને મળશે જેમણે પહેલાં ક્યારેય યૂટ્યૂબ પ્રીમિયમનો ઉપયોગ નથી કર્યો. અગાઉ સબસ્ક્રિપ્શન લેનાર યુઝર્સ માટે આ ઓફર નથી. નવા ગ્રાહકોને આનો લાભ મળશે. આ વિકલ્પ યૂટ્યુબ મ્યુઝિક પ્રીમિયમ, યૂટ્યુબ રેડ અને ગૂગલ પ્લે મ્યુઝિક સબ્સ્ક્રિપ્શન્સવાળા લોકો માટે પણ કામ કરશે નહીં. આ તમામ બાબતોનો ઉલ્લેખ એરટેલની વેબસાઇટમાં કરવામાં આવ્યો છે.
યુઝર્સ પાસે ગૂગલ એકાઉન્ટ હોવો જોઈએ
તમને જણાવી દઈએ કે, યૂટ્યુબ પ્રીમિયમ ઓફર સમાપ્ત થયા પછી ગ્રાહકોને દર મહિને 129 રૂપિયા ખર્ચ કરવા પડશે. આ સિવાય આ ઓફર ત્રણ મહિનાની વેલિડિટી અવધિ દરમિયાન પણ રદ કરી શકાય છે. જો આ વિકલ્પ તમારા સ્માર્ટફોન પર દેખાતો નથી, તો પછી ફોર્મ ભરીને ટ્રાયલ કોડ માટેની રિક્વેસ્ટ કરી શકો છો. જોકે, કોડ આવવામાં છ મહિનાનો સમય લાગી શકે છે. આ સિવાય, યૂટ્યુબ પ્રીમિયમ માટે સાઇન અપ કરવા માટે યુઝર્સ પાસે ગૂગલ એકાઉન્ટ હોવું આવશ્યક છે.