ઓફર / એરટેલ તેના ગ્રાહકોને આપી રહ્યું છે 1 જીબી ફ્રી ડેટા અને કોલિંગ, જાણો કોને મળશે આ ઓફર

• એરટેલ ગ્રાહકો માટે લાવી ખાસ ઓફર
• ફ્રીમાં ડેટા અને કોલિંગની સુવિધા મેળવો
• આ કારણથી કંપનીઓ ગ્રાહકોને આપી રહી છે સુવિધા

એક રિપોર્ટ મુજબ એરટેલ આ નવી ઓફર વિશે તેના ઈનેએક્ટિવ યુઝર્સને એસએમએસ દ્વારા જાણકારી આપી રહી છે. મેસેજમાં 3 દિવસ ફ્રી કોલિંગ અને 1 જીબી ડેટા આપી રહી છે. સાથે જ એરટેલની સુવિધાઓ ચાલુ રાખવા માટે આજે જ એરટેલમાં રિચાર્જ કરાવવાનો મેસેજ પણ મોકલી રહી છે. જોકે, આ વાતને લઈને એરટેલ તરફથી કોઈ ઓફિશિયલ જાણકારી આપવામાં આવી નથી. એવી પણ સ્પષ્ટતા નથી કરી કે કંપની કયા આધારે ગ્રાહકોને ફ્રી ટ્રાયલ માટે પસંદ કરી રહી છે અને એ વાત પણ ખબર નથી કે કંપની કયા સર્કલમાં આ સુવિધા આપી રહી છે. 

એરટેલે હાલમાં જ તેના ગ્રાહકોને એલર્ટ કર્યા છે. કંપનીએ જણાવ્યું કે, એરટેલ ક્યારેય તેના ગ્રાહકોને 121 પર એસએમએસ કરીને અપડેટ કરવાનું કહેતી નથી. જેથી જો ગ્રાહકોને એવા કોઈ મેસેજ આવે તો સાવધાન રહેવું. આવા કોલ અને મેસેજ તમારું બેંક ખાતું ખાલી કરી શકે છે.