એરટેલએ તેના ગ્રાહકો માટે એક નવો રિચાર્જ પ્લાન લોન્ચ કર્યો છે. જેની કિંમત પણ ઓછી છે અને પ્લાન 60 દિવસની વેલિડિટી સાથે આવે છે. ચાલો જાણીએ ડિટેલ્સ.
એરટેલના ગ્રાહકો માટે સારાં સમાચાર
કંપનીએ લોન્ચ કર્યો સસ્તો પ્લાન
ગ્રાહકોને ઓછી કિંમતમાં મળશે વધુ સુવિધાઓ
અત્યારે ટેલિકોમ કંપનીઓ વધુને વધુ ગ્રાહકોને આકર્ષવા માટે નવા નવા પ્લાન લાવતી રહે છે. જેમાં એરટેલ પણ પાછળ નથી. તે તેના ગ્રાહકો માટે એક નવો પ્લાન લઈને આવી છે. જેની કિંમત 456 રૂપિયા છે.
એરટેલનો 456 રૂપિયાનો પ્લાન
એરટેલના આ નવા પ્લાનમાં ગ્રાહકોને 50 જીબી ડેટાની સાથે અનલિમિટેડ વોઈસ કોલિંગની સુવિધા પણ મળે છે. કંપનીએ આ પ્લાનની વેલિડિટી 60 દિવસની રાખી છે. જેમાં યુઝરને રોજના 100 એસએમએસ મળે છે. 50 જીબી ડેટા ખતમ થયા બાદ યુઝરે 1 એમબી માટે 50 પૈસા ચૂકવવા પડશે. સાથે જ રોજના 100 એસએમએસ ખતમ થયા બાદ એક એસએમએસના 1 રૂપિયા અને નેશનલ એસએમએસ માટે 1.5 રૂપિયા ચૂકવવો પડશે.
યુઝર્સને આ પ્લાનમાં એમેઝોન પ્રાઈમ વીડિયો મોબાઈલ એડિશન ફ્રી ટ્રાયલ 30 દિવસ માટે મળે છે. સાથે જ આ પ્લાનમાં યુઝરને એરટેલ એક્સ્ટ્રીમ પ્રીમિયમ અને વિંક મ્યુઝિકનું ફ્રી એક્સેસ મળે છે. આ પ્લાન ખરીદવા પર યુઝર્સને એક વર્ષ માટે શો એકેડમીના ઓનલાઈન કોર્સનું ફ્રી એક્સેસ અને ફાસ્ટેગના રિચાર્જ પર 100 રૂપિયા કેશબેક મળે છે.
વોડાફોનનો 449 રૂપિયાનો પ્લાન
આ પ્લાનમાં યુઝરને અનલિમિટેડ કોલિંગ, 56 દિવસની વેલિડિટી મળે છે. સાથે જ યુઝરને 4 જીબી ડેટા અને 100 એસએમએમ રોજ મળે છે. વોડાફોનના આ પ્લાનમાં યુઝર્સને બિંજ ઓલ નાઈટ, વીકેન્ડ ડેટા રોલ ઓવર અને વીઆઈ મૂવીઝ એન્ડ ટીવીનું ફ્રી એક્સેસ પણ મળે છે. જેથી એરટેલનો 456 રૂપિયાનો પ્લાન વોડાફોનના 449 રૂપિયાના પ્લાનને ટક્કર આપે છે.