ભારતની ટેલિકોમ કંપની એરટેલ ટૂંક સમયમાં ભારતીય બજારમાં સસ્તા 4જી સ્માર્ટફોન લોન્ચ કરી શકે છે. આ Jioને ટક્કર આપવા માટે કરવામાં આવી રહ્યું છે, કારણ કે Jio ઓછી કિંમતના 4જી ફોન લાવવાનું છે.
Airtelનો નવો ધમાકો
જિયોને ટક્કર આપવા લાવશે સસ્તા સ્માર્ટફોન
રિપોર્ટ અનુસાર ભારતી એરટેલ ટૂંક સમયમાં ભારતમાં સ્માર્ટફોન કંપનીઓ સાથે પાર્ટનરશિપ કરશે. રિલાયન્સ જિયોનો સસ્તા 4જી હેન્ડસેટ અને બંડલ ડેટા પ્લાન લોન્ચ કરવાનો પ્લાન છે, જેથી સાથે ભારતીય 2જી માર્કેટ પર કબજો કરી શકે.
આ માટે રિલાયન્સ જિયોની પાસે ગૂગલની પાર્ટનરશિપ પણ છે જે કંપનીને એન્ટ્રી લેવલ 4જી સ્માર્ટફોન માટે એન્ડ્રોઇડ આપશે. આવી સ્થિતિમાં એરટેલ પર પણ એક પ્રકારનું દબાણ છે કે 2જી યુઝર્સને જિયોમાં જતા અટકાવવા.
ટેલિકોમ ટોકની રિપોર્ટ અનુસાર એરટેલ ભારતમાં લોક્ડ અને અનલોક્ડ બંને સ્માર્ટફોન વેચી શકે છે. લોક્ડ કરેલા સ્માર્ટફોનનો અર્થ એ છે કે તમે ફક્ત એરટેલનો સિમ ચલાવી શકશો અને તેમાં એરટેલના કસ્ટમાઈઝ્ડ સસ્તા પ્લાન હશે. તમે અનલોક્ડ સ્માર્ટફોનમાં કોઈપણ સિમ લગાવી શકશો. એવું કહેવામાં આવી રહ્યું છે કે એરટેલ હાલમાં બંને વિકલ્પો પર કામ કરી રહ્યું છે અને ભારતીય સ્માર્ટફોન પાર્ટનરની સાથે મળીને એન્ટ્રી લેવલ 4જી સ્માર્ટફોન લોન્ચ કરી શકે છે.
રિલાયન્સ જિયો વિશે વાત કરીએ તો, કંપની એન્ટ્રી લેવલ 4જી સ્માર્ટફોન ડેટા પ્લાન બંડલ સાથે વેચશે. આવી સ્થિતિમાં, એરટેલને ડર છે કે કંપનીના 2જી અને 3જી યુઝર્સ પણ જિયોમાં સ્વિચ ન થઈ જાય. એરટેલ પાસે હજી પણ ઘણાં 2 જી અને 3 જી યુઝર્સ છે, પરંતુ જિયો પાસે આ નથી. જિયો નેટવર્ક ફક્ત 4 જીને સપોર્ટ કરે છે અને કંપની 3જી અને 2જી યુઝર્સને 4જી તરફ લાવવા માંગે છે.