ટેલિકોમ / લોન્ગ ટર્મ પ્રીપેડ પ્લાન લેવો છે? તો Airtelના આ બેસ્ટ પ્લાન, જાણો વેલિડિટી અને કિંમત

• એરટેલના લોન્ગ ટર્મ પ્રીપેડ પ્લાન 
• એરટેલનો 84 દિવસની વેલિડિટીવાળો પ્લાન 598 રૂપિયા મળશે
• એરટેલનો 84 દિવસની વેલિડિટીવાળો પ્લાન 1498 રૂપિયામાં

એરટેલના સૌથી સસ્તા 84 દિવસના પ્લાનની કિંમત 598 રૂપિયા છે. આ પ્લાનમાં ગ્રાહકોને રોજ 1.5 જીબી ડેટા મળે છે. એટલું જ નહીં તેમાં અનલિમિટેડ કોલિંગ અને રોજના 100 એસએમએસની સુવિધા મળશે. આ સિવાય એરટેલ એક્સટ્રીમ પ્રીમિયમ, વિંક મ્યુઝિક અને હેલો ટ્યૂન જેવા અન્ય ફાયદા પણ મળશે. 

આ પહેલાં એરટેલ 448 રૂપિયામાં 82 દિવસની વેલિડિટી સાથે આ પ્લાન ઓફર કરતી હતી. 84 દિવસ માટે કંપનીનો એક અન્ય પ્લાન પણ છે જેની કિંમત 698 રૂપિયા છે. અગાઉ તેની કિંમત 499 રૂપિયા હતી. આ પ્લાન એવા લોકો માટે છે જેમને વધુ ડેટાની જરૂર પડે છે. પ્લાનમાં રોજ 2 જીબી ડેટા મળે છે અને બાકીની સુવિધાઓ 598 રૂપિયાના પ્લાન જેવી જ છે. 

એરટેલનો 365 દિવસની વેલિડિટીનો પ્લાન

ભારતી એરટેલના 365 દિવસના સૌથી સસ્તા પ્લાનની કિંમત 1498 રૂપિયા છે. આ પ્લાનમાં આખા વર્ષ માટે 24 જીબી ડેટા મળે છે. આ સિવાય અનલિમિડેટ કોલિંગ અને 3600 એસએમએસની સુવિધા પણ છે. આ સિવાય એક અન્ય પ્લાન 2398 રૂપિયાનો છે. જેમાં ગ્રાહકોને અનલિમિડેટ કોલિંગ અને રોજના 100 એસએમએસ અને રોજ 1.5 જીબી ડેટા મળે છે. આ બંને પ્લાન સાથે એરટેલ એક્સટ્રીમ પ્રીમિયમ સહિતના અન્ય ફાયદા પણ મળશે.