જિયોને ટક્કર આપવા માટે એરટેલ એક નવો ધાંસૂ પ્લાન લોન્ચ કર્યો છે. કંપની આ પ્લાન અતંર્ગત રૂ. 558માં પ્રીપેડ યુઝર્સને 82 દિવસ સુધી 246 GB ડેટા આપશે. આ સાથે અનલિમિટેડ વોઇસ કોલ અને રોજના 100MMS પણ ફ્રી આપશે. આ પ્લાન હાલ તો કંપનીએ દિલ્હી-NCR સર્કલમાં લોન્ચ કર્યો છે જે ટૂંક સમયમાં પાન ઇન્ડિયા માટે રજૂ કરવામાં આવશે. આ પ્લાન દ્વારા કંપની જિયોના 498 રૂપિયાના પ્લાનને ટક્કર આપવા માગે છે.
જિયો પોતાના આ પ્લાનમાં 91 દિવસની વેલેડિટી સાથે રૂ. 498માં 182 જીબી ડેટા એટલે કે પ્રતિ દિવસ 2GB ડેટા આપે છે. તેની સામે એરટેલ પ્રતિ દિવસ 3 GB ડેટા આપે છે. આ સાથે યુઝરને અનલિમિટેડ લોકલ STD અને નેશનલ રોમિંગ તેમજ 100 લોકલ અને STD SMS પ્રતિદિન ફ્રી ઓફર કરવામાં આવ્યા છે.
ડેટા લિમિટ ક્રોસ કર્યા પછી યૂઝર્સને 128Kbpsની સ્પીડથી ડેટા મળશે જોકે વૉઇસ કૉલને લઇને કોઇ લિમિટ નથી.
એરટેલના આ પ્લાનમાં કુલ 246 GB હાઈ સ્પીડ ડેટા મળી રહ્યો છે. એટલે કે પ્રતિ GB ડેટા રૂ. 2.26માં યુઝર્સને પડી રહ્યો છે. તો જિયોના પ્લાનમાં 91 દિવસ માટે 182GB એટલે પ્રતિ દિવસ 2 GB ડેટા અને રૂ.498 અનુસાર પ્રતિ 1GB ડેટા રૂ.2.73 રુપિયામાં મળે છે. ઉલ્લેખનીય છે કે જિયો અને એરટેલ વચ્ચે હાલ પ્રાઇસ વોર શરૂ છે જેના ભાગરૂપે બંને કંપનીઓ એકબીજાથી સસ્તા પ્લાન સતત લોન્ચ કરી રહી છે.