ભારતીય ટેલીકોમ કંપની એરટેલએ હાલમાં જ બે નવા પ્રીપેડ રિચાર્જ પ્લાન લોન્ચ કર્યાં છે, જેને એક્ટિવેટ કરાવવા પર ગ્રાહકોને ફ્રી કોલિંગ અને હાઈ સ્પીડ 4G ઇન્ટરનેટ સિવાય હેલ્થ ઈન્શ્યોરન્સનો પણ લાભ મળશે.
એરટેલના ગ્રાહકો માટે જોરદાર ઓફર
કંપની માત્ર 279 રૂપિયામાં 4 લાખનો ઈન્શ્યોરન્સ આપી રહી છે
સાથે હાઈ સ્પીડ 4G ઇન્ટરનેટ પણ મળશે
ટેલિકોમ કંપનીઓ ગ્રાહકોને આકર્ષિત કરવા માટે નવા અને વધુ બેનિફિટવાળા પ્લાન લઈને આવી રહી છે. કંપનીઓ ઈચ્છે છે કે, પ્રીપેડ પ્લાન્સ મોંઘા થયા બાદ તેમના સબસ્ક્રાઈબરમાં ઘટાડો ન થાય. જેથી કંપનીઓ નવા-નવા પ્લાન લોન્ચ કરતી રહે છે. હવે એરટેલ તેના ગ્રાહકો માટે 279 રૂપિયા અને 179 રૂપિયાના બે નવા પ્રીપેડ પ્લાન લઈને આવ્યું છે. ચાલો જાણીએ તેના બેનિફિટ્સ વિશે.
279 રૂપિયામાં 4 લાખનો ઈન્શ્યોરન્સ
કંપની અનુસાર, જો ગ્રાહક 279 રૂપિયાવાળો રિચાર્જ પ્લાન એક્ટિવ કરાવે છે તો તેને દરરોજ 1.5GB હાઈ સ્પીડ 4G ડેટા, કોઈ પણ નેટવર્ક પર અનલિમિટેડ કોલિંગ, દરરોજના 100 SMS મોકલવાની સુવિધાની સાથે 4 લાખ રૂપિયાનો લાઇફ ઈન્શ્યોરન્સ પણ મળશે. આ લાઇફ ઈન્શ્યોરન્સ માટે કોઈ મેડિકલ ટેસ્ટ અને પેપરવર્કની જરૂર નહીં પડે. માત્ર એટલું જ નહીં પરંતુ 28 દિવસની વેલિડિટીવાળા આ પ્લાનમાં એરટેલ Xstream Premiumનું સબ્સક્રિપ્શન પણ ફ્રીમાં આપવામાં આવી રહ્યું છે. તમને જણાવી દઇએ કે, ડેઇલી લિમિટ પૂર્ણ થયા બાદ ઈન્ટરનેટની સ્પીડ ઓછી થઈ જશે.
માત્ર 179 રૂપિયામાં 2 લાખનો લાઇફ ઈન્શ્યોરન્સ
જ્યારે એરટેલે 179 રૂપિયાવાળા રિચાર્જ પ્લાનમાં 2 લાખ રૂપિયાના લાઇફ ઈન્શ્યોરન્સની પણ ઓફર આપી છે. આ રિચાર્જ પ્લાનની વેલિડિટી 28 દિવસની છે, જેમાં 2GB હાઈ સ્પીડ 4G ઈન્ટરનેટ અને કોઈ પણ નેટવર્ક પર અનલિમિટેડ કોલિંગની સાથે સાથે રોજના 300 SMS મોકલવાની સુવિધા મળી રહી છે. માત્ર એટલું જ નહીં પ્લાનમાં એરટેલ Xstream Premium નું ફ્રી સબ્સક્રિપ્શન પણ મળશે. મહત્વનું છે કે દરરોજની લિમિટ પૂરી થયા બાદ સ્પીડ ઓછી થઈ જાય છે.