એરટેલ તેના સિલેક્ટેડ ગ્રાહકોને 1 જીબી હાઈ સ્પીડ ડેટા ફ્રીમાં આપી રહી છે. આ ફ્રી ડેટા એક સ્પેશિયલ પ્લાનના રિચાર્જ કરવા પર આપવામાં આવી રહ્યું છે. આ પ્લાનમાં યુઝર્સને એક્સ્ટ્રા ડેટા મળી રહ્યું છે. આ એક્સ્ટ્રા ડેટા બધાં યુઝર્સ માટે નથી. એરટેલ સ્પેશિયલ યુઝર્સને એક ટેક્સ્ટ મેસેજ મોકલીને ડેટા આપી રહી છે.
એરટેલના ગ્રાહકો માટે શાનદાર ઓફર
કંપની ફ્રીમાં આપી રહી છે એક જીબી ડેટા
આ રીતે ગ્રાહકોને મળે છે ફ્રી ડેટા
કંપની આ ડેટા 3 દિવસ માટે ઓફર કરી રહી છે. હાલમાં જ રિલાયન્સ જિયોએ પણ તેના પ્રીપેડ સબસ્ક્રાઈબર્સ માટે આવી ઓફર કરી હતી. જેમાં જિયોના કેટલાક ખાસ યુઝર્સને 2 જીબી ડેટા ફ્રી આપ્યું હતું.
OnlyTechના ફોરમ મેમ્બર ડીજે રોયે એરટેલના ફ્રી ડેટાથી જોડાયેલી જાણકારી સૌથી પહેલાં જાહેર કરી હતી. એરટેલ સબ્સ્ક્રાઈબર 48 રૂપિયાના ડેટા પેકમાં રિચાર્જ કરાવવા પર કુલ 4 જીબી ડેટા મળશે. તમને જણાવી દઈએ કે, આ ડેટા પેકમાં કંપની 3 જીબી ડેટા ઓફર કરે છે અને એરટેલ 1 જીબી ફ્રી આપે છે. ટેલિકોમ કંપનીએ રોયને એક મેસેજ મોકલીને તેના એકાઉન્ટમાં 1 જીબી ફ્રી ડેટા એડ થવાની જાણકારી આપી. એરટેલના યુઝરે જણાવ્યું કે આ 1 જીબી ફ્રી ડેટાની વેલિડિટી 3 દિવસની છે અને તેને ટ્રાયલ બેસિસ પર રોલ આઉટ કરવામાં આવી રહ્યું છે.
આ સિવાય 49 રૂપિયાના રિચાર્જ પેક પર પણ એરટેલ ટ્રાયલ તરીકે 1 જીબી ફ્રી ડેટા આપી રહ્યું છે. આ પેકમાં 100 એમબી ડેટા ઓફર કરે છે અને તેમાં 38.52 રૂપિયા ટોકટાઈમ મળે છે. સાથે જ આ ફ્રી ડેટા યુઝર્સને રેન્ડમલી આપવામાં આવી રહ્યો છે અને નવા પ્લાન્સના રિચાર્જ પર બધાં યુઝર્સને 1 જીબી ડેટાનો લાભ ના પણ મળે. એવું લાગી રહ્યું છે કે, કંપની ઓછી કિંમતના પ્લાનમાં એક્સ્ટ્રા ફાયદા આપી રહી છે.