હાલ બ્રોડબેન્ડ સેક્ટરમાં એકબીજાને પછાડીને નંબર વન બનવાની હોડ ચાલી રહી છે. કંપનીઓ નવા ઓફર્સ અને પ્લાન દ્વારા વધુને વધુ ગ્રાહકોને પોતાના નેટવર્ક સાથે જોડવાનો પ્રયાસ કરી રહી છે. જેથી હવે એરટેલ ખાસ 'Airtel Home All in One' પ્લાન ઓફર કરી રહ્યું છે. જેમાં બ્રોડબેન્ડ, પોસ્ટપેડ અને ડીટીએચ સર્વિસ એકસાથે મળશે. ચાલો જાણીએ આ પ્લાન વિશે.
લોકડાઉનમાં એરટેલની ધાંસૂ ઓફર
એક જ પ્લાનમાં મળશે બધાં જ બેનિફિટ્સ
બ્રોડબેન્ડ, પોસ્ટપેડ અને ડીટીએચ સર્વિસ એકસાથે મળશે
એરટેલના આ પ્લાનની કિંમત 1899 રૂપિયા છે. આ પ્રીમિયમ પ્લાન છે. તેમાં યુઝર્સને બેસ્ટ બેનિફિટ્સ ઓફર કરવામાં આવી રહ્યા છે. બધી સર્વિસિઝ બાદ આ પ્લાન 2720 રૂપિયામાં પડે છે. જોકે, કંપની હાલ 30 ટકા ડિસ્કાઉન્ટ આપી રહી છે. જે બાદ તેની કિંમત 1899 રૂપિયા અને જીએસટી એક્સ્ટ્રા ચૂકવવાના રહેશે.
500 જીબી ડેટાનો ફાયદો
આ પ્લાનમાં અનલિમિટેડ કોલિંગની સાથે 100Mbpsની સ્પીડ સાથે 500 જીબી ડેટા મળે છે. કંપનીના એક્સટ્રીમ ફાઈબરમાં આવો કોઈ પ્લાન નથી જેમાં આટલો ડેટા ઓફર કરવામાં આવે છે. એવામાં એરટેલ હોમ એક કસ્ટમાઈઝ્ડ પ્લાન છે જે ખાસ કરીને યુઝર્સ માટે ડિઝાઈન કરવામાં આવ્યો છે.
ડીટીએચ પેકમાં 140 ચેનલ્સ
આ પ્લાનમાં કંપની ડીટીએચ સર્વિસ એરટેલ ડિજિટલ ટીવી પણ ઓફર કરી રહી છે. એરટેલ હોમ પ્લાન સિલેક્ટ કરનાર યુઝરને 500 રૂપિયાની કિંમતનો ડીટીએચ પેક મળે છે. આ પેકમાં 140 SD/HD ચેનલ્સ જોવા મળશે.
પોસ્ટપેડ પ્લાનમાં 75 જીબી ડેટા અને અનલિમિટેડ કોલિંગ
એરટેલ હોમ ઓલ ઈન વન પ્લાનની એક ખાસ વત છે કે તેમાં 499 રૂપિયાનો પ્લાન પણ ઓફર કરવામાં આવી રહ્યો છે. જેમાં પ્રાઈમરી કનેક્શનમાં અનલિમિટેડ કોલિંગ બેનિફિટની સાથે 75 જીબી ડેટા અને રોજ 100 એસએમએસ મળે છે. તેમાં 199 રૂપિયાનો એડ ઓન કનેક્શન ફ્રી મળે છે. એડ ઓન કનેક્શનમાં અનલિમિટેડ કોલિંગ, 100 એસએમએસ અને 10 જીબી ડેટા મળે છે.
ફ્રી સબસ્ક્રીપ્શન
આ પ્લાનમાં કંપની એક વર્ષ માટે એમેઝોન પ્રાઇમનું મફત સબ્સ્ક્રિપ્શન આપી રહી છે, જેની કિંમત 999 રૂપિયા છે. આ સિવાય આ પ્લાનમાં જી5 પ્રીમિયમ અને એરટેલ એક્સ્ટ્રીમ એપનું સબ્સ્ક્રિપ્શન પણ મળે છે. કંપની કોઈપણ વધારાના ચાર્જ વિના પ્લાનમાં સબ્સ્ક્રાઇબ કરનારા યુઝર્સને વાઇ-ફાઇ રાઉટર અને એરટેલ એક્સ્ટ્રીમ બોક્સ આપી રહી છે.