ભારતીય ટેલિકોમ કંપની એરટેલના પ્રીપેડ પ્લાનની લિસ્ટમાં ઘણાં ધાંસૂ રિચાર્જ ઓફર છે. પ્લાનની લિસ્ટમાં દરેક કિંમતના રિચાર્જ પેક અવેલેબલ છે. જેમાં ગ્રાહકોને કોલિંગથી લઈને ડેટા બેનિફિટ્સ સહિતની ઘણી સુવિધાઓ મળે છે. એરટેલના 448 રૂપિયાના પ્લાનની વાત કરીએ તો આમાં ગ્રાહકોને ઘણાં એડિશનલ બેનિફિટ્સ પણ મળે છે. ચાલો જાણીએ.
એરટેલ તેના ગ્રાહકોને ઓફર કરે છે જોરદાર પ્લાન
એરટેલના પ્રીપેડ પ્લાનમાં વધુ ડેટા સહિત એડિશનલ બેનિફિટ્સ પણ મળે છે
એરટેલનો આ પ્લાન તમારા માટે છે ફાયદેમંદ
એરટેલના 448 રૂપિયાના પ્લાનમાં યુઝર્સને રોજ 3 જીબી હાઈ સ્પીડ ડેટાની સાથે 100 એસએમએસ મળે છે. આ સિવાય ગ્રાહકોને તેમાં અનલિમિટેડ કોલિંગની સુવિધા પણ મળે છે. એરટેલના આ પ્લાનની વેલિડિટી 28 દિવસની છે. સારી વાત એ છે કે, આ પ્લાનમાં ગ્રાહકોને Disney+ Hotstar VIP સબસ્ક્રિપ્શન પણ મળે છે.
Disney+ Hotstar VIP સબસ્ક્રિપ્શનની સાથે એરટેલ યુઝર્સ મલ્ટીપ્લેક્સ ફિલ્મો, એક્સક્લૂસિવ હોસ્ટસ્ટાર સ્પેશિયલ્સ, ડિઝની પ્લસ શો, કિડ્સ કન્ટેન્ટ અને લાઈવ સ્પોર્ટ્સ જોઈ શકે છે. આ મેમ્બરશિપની વાર્ષિક કિંમત 399 રૂપિયા છે. તેમાં દરરોજ સવારે 6 વાગ્યે ઈન્ડિયન ટીવી શોઝના લેટેસ્ટ એપિસોડ પણ આવે છે.
1 જીબી ડેટાનો ફ્રી ટ્રાયલ
અગાઉ એવા સમાચાર મળ્યા હતા કે, એરટેલ તેના પ્રીપેડ ગ્રાહકોને 1 જીબી ફ્રી ડેટા અને ઈનકમિંગ અને આઉટગોઈંગ કોલિંગ ઓફર કરી રહી છે. રિપોર્ટ મુજબ કંપની આ ઓફર તેના ગ્રાહકોને 3 દિવસના ટ્રાયલ માટે આપી રહી છે અને એવા પ્રીપેડ ગ્રાહકોને મળશે, જેમણે તેમના નંબરને રિચાર્જ નથી કરાવ્યો. કંપની ગ્રાહકોને આકર્ષિત કરવા માટે આવી ઓફર લાવી રહી છે. જેનાથી ગ્રાહકો તેમની સર્વિસનો ઉપયોગ કરે અને 3 દિવસની ફ્રી ઓફર ખતમ થયા બાદ રિચાર્જ કરાવે.
રિપોર્ટ મુજબ એરટેલ ગ્રાહકોને નવી ઓફર વિશે ઈનેક્ટિવ ગ્રાહકોને એસએમએસ દ્વારા જાણકારી આપી રહ્યું છે. મેસેજમાં કહેવામાં આવ્યું છે કે, 3 દિવસના ફ્રી ટ્રાયલ માટે કોલિંગ અને 1 જીબી મફત હાઈ સ્પીડ ડેટા આપવામાં આવી રહ્યો છે.