ભારતી એરટેલે તેના પ્રીપેડ પોર્ટફોલિયોમાં 401 રૂપિયાનો પ્રીપેડ પ્લાન એડ કર્યો છે. જેમાં એક વર્ષનું Disney+ Hotstar VIP સબસ્ક્રીપ્શન ફ્રી મળી રહ્યું છે. આ પ્લાનમાં ગ્રાહકોને 28 દિવસ માટે 3જીબી હાઈ સ્પીડ ડેટા પણ મળશે.
એરટેલના ગ્રાહકો માટે સારાં સમાચાર
લોકડાઉનને ધ્યાનમાં રાખી એરટેલ ગ્રાહકો માટે લાવ્યું આ પ્લાન
આ પ્લાનમાં મળશે ઘણાં ફાયદા
એરટેલનો આ નવો પ્લાન લોકડાઉનને ધ્યાનમાં રાખીને લોન્ચ કરવામાં આવ્યો છે, કારણ કે અત્યારે Disney+ Hotstar, Amazon Prime Video અને Netflix જેવા OTT એપ્સની ડિમાન્ડ ખૂબ જ વધી ગઈ છે. કંપનીએ નવા 401 રૂપિયાના પ્લાનને 399 રૂપિયાની વેલ્યૂવાળા એક વર્ષના Disney+ Hotstar VIP સબસ્ક્રીપ્શન સાથે તેની વેબસાઈટ પર લિસ્ટ કર્યું છે.
આ સબસ્ક્રીપ્શનમાં શોધ, મૂવીઝ, Disney+નું કિડ્સ કન્ટેન્ટ, એક્સક્લૂસિવ હોટસ્ટાર સ્પેશિયલ્સ અને લાઈવ સ્પોર્ટ્સ જોવા મળશે. સાથે જ આ સબસ્ક્રીપ્શનમાં ઈન્ડિયાન ટીવી શોઝ અને નવી ફિલ્મોનું પ્રીમિયરનું પણ અર્લી એક્સેસ મળશે.
Disney+ Hotstar VIP સબસ્ક્રીપ્શન એક વર્ષની વેલિડિટી સાથે ઉપલબ્ધ છે. તમે તમારા એરટેલ કનેક્શનની સાથે વીડિયો સ્ટ્રીમિંગ સર્વિસને 401 રૂપિયાના પ્લાનની વેલિડિટી ખતમ થયા બાગ પણ એક્સેસ કરી શકો છો.
Disney+ Hotstar VIP સબસ્ક્રીપ્શન સિવાય ગ્રાહકોને 401 રૂપિયાના પ્રીપેડ પ્લાનમાં ડેટાનો પણ લાભ મળશે. આ પ્લાન એરટેલની વેબસાઈટ પર ડેટા સેક્શનની અંદર રાખવામાં આવ્યો છે. જોકે, આ પ્લાનમાં વોઈસ કોલિંગ અને એસએમએસના ફાયદા નહીં મળે. આ પ્લાનનું રિચાર્જ એરટેલ એપ, વેબસાઈટ અથવા પેટીએમ જેવા થર્ડ પાર્ટી સોર્સિસથી કરી શકાય છે. સાથે જ આ પ્લાન તમામ સર્કલમાં ઉપલબ્ધ છે.