5G Network / ભારતમાં સૌથી પહેલા કોણ લોન્ચ કરશે 5G? JIO ને પછાડીને આ ટેલિકોમ કંપની નિકળી આગળ

• Airtel લોન્ચ કરશે 5જી નેટવર્ક 
• 5જી નેટવર્ક લોન્ચ કરનાર પહેલી કંપની બનશે 
• જીયોને એરટેલે છોડ્યુ પાછળ 

એરટેલે આખરે જાહેરાત કરી છે કે કંપની ઓગસ્ટના અંત સુધીમાં ભારતમાં 5G નેટવર્ક ડિપ્લોય કરવાનું શરૂ કરશે. તેણે એમ પણ કહ્યું કે કંપનીએ ઓગસ્ટ 2022 માં 5G ડિપ્લોયમેન્ટ શરૂ કરવા માટે એરિક્સન, નોકિયા અને સેમસંગ સાથે 5G નેટવર્ક એગ્રીમેન્ટ પર સાઈન કર્યા છે. એરટેલ ભારતમાં 5G સેવાઓ શરૂ કરનાર પ્રથમ ટેલિકોમ કંપની હશે. કંપની લાંબા સમયથી એરિક્સન અને નોકિયા સાથે સંપર્કમાં છે. પરંતુ તાજેતરમાં સેમસંગ આ યાદીમાં જોડાઈ છે. 

એરટેલ ટેલિકોમ સેક્ટર દ્વારા હાથ ધરવામાં આવેલી સ્પેક્ટ્રમ હરાજીમાંનો એક ભાગ હતો જેમાં એરટેલે 900 મેગાહર્ટ્સ, 1800 મેગાહર્ટ્સ, 2100 મેગાહર્ટ્સ, 3300 મેગાહર્ટ્સ અને 26 મેગાહર્ટ્સ ફ્રીક્વન્સીઝમાં 19867.8 મેગાહર્ટ્સ સ્પેક્ટ્રમ માટે બોલી લગાવી અને તેને એક્વાયર પણ કરી છે. 

એરટેલે કરી જાહેરાત 
ભારતમાં 5Gના શરૂ કરવાને લઈને એરટેલના MD અને CEO ગોપાલ વિટ્ટલે જણાવ્યું હતું કે, “અમને એ જાહેરાત કરતાં આનંદ થાય છે કે એરટેલ ઓગસ્ટમાં 5G સેવાઓ શરૂ કરશે. તેને અંતિમ સ્વરૂપ આપવામાં આવ્યું છે અને એરટેલ તેના યુઝર્સને 5G કનેક્ટિવિટી પ્રદાન કરવા માટે સંપૂર્ણ રીતે તૈયાર છે. આ માટે કંપની વિશ્વભરના શ્રેષ્ઠ ટેક્નોલોજી પાર્ટનર્સ સાથે કામ કરશે."

5G ટ્રાયલ હાથ ધર્યુ 
એરટેલ ભારતની ત્રણ ટેલિકોમ કંપનીઓમાંથી પ્રથમ છે જેણે 5G નેટવર્કનું ટેસ્ટિંગ કર્યું હતું. ટેલિકોમ કંપની ઘણા સ્થળોએ ઘણા પાર્ટનર્સ સાથે ટેસ્ટિંગ કરી રહી છે. કંપનીએ હૈદરાબાદમાં લાઇવ 4G નેટવર્ક પર ભારતનો પ્રથમ 5G અનુભવ રજૂ કર્યો. ત્યારબાદ એરટેલે ભારતની પ્રથમ ગ્રામીણ 5G ટ્રાયલ હાથ ધર્યું હતું અને ટેસ્ટિંગ સ્પેક્ટ્રમ પર ભારતના પ્રથમ કેપ્ટિવ ખાનગી નેટવર્કની સફળ ડિપ્લોયમેન્ટ માટે 5G પર પ્રથમ ક્લાઉડ ગેમિંગ અનુભવનું પરીક્ષણ પણ કર્યું હતું.