ટેક્નોલોજી / Airtel અને TATA આ કામ માટે થયા એક, કરી મોટી જાહેરાત, અંબાણીનું વધશે ટેન્શન

• Airtel અને TATA ગ્રુપે 5G માટે પાર્ટનરશીપ કરી છે. 
• હવે દેશમાં દેશી 5G  હશે ન કે ચાઈનીઝ 
• જાન્યુઆરી 2022થી કમર્શિયલ ઉપયોગ માટે ઉપલબ્ધ 

ભારતીય એરટેલ અને ટાટા ગ્રુપે આજે જાહેરાત કરી છે કે તે ભારત માટે 5જી નેટવર્ક સોલ્યુશન ભારતમાં જ બનાવશે. એટલે કે હવે દેશી 5G આવશે. ટાટા ગ્રુપના ઓ-આરએએન આધારિત રેડિયો એને એનએસએ/એસએ કોર 'અત્યાધુનિક' વિકસિત કરી દીધુ છે. આ ટેક્નોલોજી જાન્યુઆરી 2022થી કમર્શિયલ ઉપયોગ માટે ઉપલબ્ધ રહેશે. 

એક્સપોર્ટના રસ્તા પણ ખુલી જશે
જાન્યુઆરી 2022થી એરટેલ ટાટા ગ્રુપની આ ટેકનોલોજીનો ઉપયોગ ભારતમાં પોતાના 5જી લોન્ચના પ્લાન માટે કરશે. શરૂઆતમાં આ પાપલેટ પ્રોજેક્ટની જેમ તાલશે અને ભારત સરકારની તરફથી જાહેર કરવામાં આવેલી દરેક ગાઈડલાઈન્સનું પણ ધ્યાન રાખવામાં આવશે. ભારતમાં બનેલા આ 5જી પ્રોડક્ટ અને સોલ્યુશન ગ્લોબલ સ્ટેન્ડર્ડનું ધ્યાન રાખીને બનાવવામાં આવી રહ્યું છે. જો 5જી સોલ્યૂશન એરટેલને પાયલટ પ્રોજેક્ટમાં પોતાનો દમ બતાવી શકે તો તેનાથી એક્સપોર્ટના રસ્તા પણ ખુલી જશે. ટાટા કન્સલ્ટન્સી સર્વિસ 3GPP અને O-RAN બને માપ માટે એન્ડ-ટૂ-એન્ડ સમાધાન કરવામાં મદદ કરે છે. 

એરટેલના એમડી અને સીઈઓ ગોપાલ વિટ્ટલે કહ્યું...
ભારત અને દક્ષિણ એશિયા માટે ભારતીય એરટેલના એમડી અને સીઈઓ ગોપાલ વિટ્ટલે કહ્યું કે "ભારતને 5જી અને સંલગ્ન ટેક્નોલોજી માટે એખ વૈશ્વિક કેન્દ્ર બનાવવા માટે ટાટા ગ્રુપની સાથે જોડાઈને અમને ખુશી થઈ રહી છે. પોતાના વિશ્વ સ્તરીય ટેક્નોલોજી ઈકોસિસ્ટમ અને ટેલેન્ટ પુલ સાથે ભારત વિશ્વ માટે અત્યાધુનિક ઉકેલો અને એપ્લિકેશનો બનાવવા માટે સારી રીતે સ્થિત છે. તેનાથી ભારતને એક ઈનોવેશન અને મેન્યુફેક્ચરિંગ ડેસ્ટિનેશન બનાવવામાં ખૂબ મદદ મળશે. "