5G ટ્રાયલ / આ શહેરમાં શરુ થયા Jioના નહીં પણ આ કંપનીનાં 5G નેટવર્કના ટ્રાયલ, 1Gbpsની મળી રહી છે સ્પીડ

• એરટેલના 5જી નેટવર્કનું ગુરુગ્રામમાં ટ્રાયલ શરુ થઈ ગયુ 
• સાયબર હબમાં શરુ  થયું ટ્રાયલ
• યુઝર્સે એરટેલ 5 જી નેટવર્ક સાથે જોડાયેલો વીડિયો પોસ્ટ કર્યો 

એરટેલના 5જી નેટવર્કનું ગુરુગ્રામમાં ટ્રાયલ શરુ થઈ ગયુ 

ભારતમાં 5જી નેટવર્કને લઈને કામ શરુ થઈ ગયું છે. સરકારે અત્યાર સુધી ટેલીકોમ કંપનીઓના 5જી સ્પેક્ટ્રમ ભવે ફળવ્યા ન હોય પરંતુ દૂરસંચાર નિગમે હાલમાં જ ભારતી એરટેલ, રિલાયન્સ જિયો અને વીઆઈ જેવા ટેલીકોમ ઓપરેટર્સને 5જી ટેસ્ટિંગ માટે લીલી ઝંડી આપી દીધી છે. હવે તાજા રિપોર્ટનુ માનીએ તો  3.5GHz બેન્ડ પર કામ કરનારા એરટેલ 5જી નેટવર્કનું ગુરુગ્રામમાં ટ્રાયલ શરુ થઈ ગયુ છે. એટલું જ નહીં એક વીડિયોમાં એરટેલના 5જી નેટવર્ક સ્પીડને બતાવવામાં આવી છે.

સાયબર હબમાં શરુ  થયું ટ્રાયલ

એરટેલે જણાવ્યું કે ગુરુગ્રામના સાયબર હબ વિસ્તારમાં Airtel 5G ટ્રાયલ નેટવર્ક લાઈવ થઈ ગયા છે. 91 મોબાઈલનું માનીએ તો એ નેટવર્ક 3,500MHz બેન્ડ પર ઓપરેટ થઈ રહ્યા છે. ખાસ વાત એ છે કે આના માધ્યમથી ડાઉનલોડની સ્પીડ મળી રહી છે. રિપોર્ટ મુજબ એરટેલનો 5જી નેટવર્ક 1Gbpsથી વધારે ડાઉનલોડ સ્પીડ આપી રહ્યુ છે.

યુઝર્સે એરટેલ 5 જી નેટવર્ક સાથે જોડાયેલો વીડિયો પોસ્ટ કર્યો 

આ યુઝર્સે ટ્વિટર પર એરટેલ 5 જી નેટવર્ક સાથે જોડાયેલો વીડિયો પોસ્ટ કર્યો છે. જેમાં એરટેલ 5જી નેટવર્કની સ્પીડ ટેસ્ટ કરીને દર્શાવવામાં આવી છે.  વીડિયોમાં એક વ્યક્તિ OnePlus 9 જેવો કોઈ ફોન હાથમાં લીધેલો છે અને સ્પીડટેસ્ટ વેબસાઈટને ખોલેલી છે. જેમાં એરટેલ 5જી ટ્રાયલ નેટવર્ક 1,000Mbps (1Gbps) સુધીની ડાઉનલોડ સ્પીડ અને લગભગ 100Mbpsની અપલોડ સ્પીડ આપી રહ્યું છે.

રિલાયન્સ પોતાના જીઓ 5જી નેટવર્કની જાહેરાત કરી શકે

ઈટી ટેલીકોમના જણાવ્યાનુસાર એરટેલની 5જી નેટવર્ક એરિક્સન ઈન્ફ્રાસ્ટ્રક્ચર પર ચાલી રહ્યા છે. એરટેલ આવનારા મહિનામાં દેશના બીજા શહેરોમાં પણ 5જી ટેસ્ટિંગ શરુ કરી શકે છે. ભારતમાં એરટેલ 5જી ક્યારે લોન્ચ થશે આ અંગે હજું કંઈ કહી ન શકાય. આ ઉપરાંત એવી અટકળો પણ લગાવાઈ રહી છે કે 24 જૂનથી થનારી વર્ષની જનરલ મીટિંગમાં રિલાયન્સ પોતાના જીઓ 5જી નેટવર્કની જાહેરાત કરી શકે છે.