બગદાદ / એશિયાઇ ખાડી દેશમાં યુદ્ધના ભણકારા! સતત બીજા દિવસે અમેરિકાની ઇરાક પર એર સ્ટ્રાઇક, 6નાં મોત

• ઇરાકમાં ફરી અમેરિકાના હવાઇ હુમલા,
• US ના હુમલામાં 6 લોકોનાં મોત

ઇરાકના સરકારી અધિકારીઓના જણાવ્યાં અનુસાર એર સ્ટ્રાઇક દ્વારા બે કારને નિશાને લેવામાં આવી છે. જેમાં ઇરાનના સમર્થક લડાખૂ સવાર હતા. ઇરાકના અધિકારીઓના જણાવ્યા મુજબ આ હુમલામાં હશદ-અલ-સાબી ના 6 લડાખૂના મોત થયા છે. 

એક રિપોર્ટ અનુસાર અમેરિકાએ આ હુમલો ઇરાકના હશદ-અલ-સાબીના કમાન્ડર કાફલાને નિશાન બનાવીને કર્યો હતો. જેમાં 6 લોકોના મોત નિપજ્યાં હોવાના ખબર મળી રહ્યાં છે. 

હશદ-અલ-સાબી જેને પોપુલર મોબિલાઇઝેશન ફોર્સ (PMF) ના નામથી પણ ઓળખવામાં આવે તેના કાફલાને નિશાન બનાવામાં આવ્યો હતો. જેમાં તેનો કોઇ સનિયર કમાન્ડર હાજર નહોતો. આ સંગઠને જણાવ્યું છે કે આ હુમલામાં કેટલાક ડોકટર માર્યા ગયા છે.