વિદેશ જવાનું સ્વપ્ન થશે સાકાર વિમાનની ટિકિટ મળશે સસ્તાભાવે

મોટી એરલાઇન્સ કંપની દુનિયાભરમાં ફરતા ભારતીયોને આકર્ષવા માટે ટિકિટો પર ડિસ્કાઉન્ટ આપવાની જાહેરાત કરી છે. ઓફર્સ અંતર્ગત ગલ્ફ કંટ્રીઝની એર ટિકિટ 10 000 રૂપિયા યુરોપીય દેશોની 33 000 રૂપિયા અને નોર્થ અમેરિકા દેશોની રિટર્ન ટિકિટ માત્ર 55 000 રૂપિયામાં મળી રહી છે. આ પોપ્યુલર રૂટ્સ માટે કેટલીક ભારતીય અને વિદેશી એરલાઈન્સ કંપનીઓ ટિકિટ 30% સસ્તી કિંમતે આપી રહી છે.

કંપનીઓ અલગ-અલગ સમયમાં સેલ ઑફર કરી રહી છે. ખાસ ગાળામાં ટિકિટ ખરીદવા પર ઑફરનો લાભ મળશે. વિદેશી એરલાઈન્સ ભારતીય એરલાઈન્સનું અનુકરણ કરીને ઑફર્સ આપી રહી છે. ભારતીય કંપનીઓ ડોમેસ્ટિક અને ઇન્ટરનેશનલ ફ્લાઈટ્સ પર સતત ડિસ્કાઉન્ટ ઑફર આપી રહી છે.

જેટ એરવેઝ પેરિસ એમ્સ્ટ્રડેમ વિયેનાની ટિકિટ પર 20%નુ ડિસ્કાઉન્ટ આપી રહી છે. ટર્કી એરલાઈન્સ મોબાઈલ એપના લેટેસ્ટ વર્ઝનથી ટિકિટ બુક કરાવનાર યાત્રીઓને 15% ડિસ્કાઉન્ટ આપી રહી છે. આ જ રીતે ગલ્ફ કરિયર્સે થોડા સમય માટે ભાડુ ઘટાડી દીધુ છે. એમિરાટ્સ ઈતિહાદ કતર એરવેઝ ભારતીય હવાઈયાત્રીઓને આકર્ષવામાં સૌથી આગળ છે. એમિરાટ્સે કહ્યું ''ઈકોનોમી ક્લાસમાં દિલ્હીથી મધ્ય પૂર્વ (પશ્ચિમ એશિયા)ના દેશો માટે 13 600 યુરોપ માટે 34 800 રૂપિયા અને અમેરિકા માટે 57 400માં ઓલ-ઈન્ક્લુઝિવ ટિકિટ મળી રહી છે.''