એરસેલ મેક્સિસ કેસમં પૂર્વ ગૃહ મંત્રી પી. ચિદમ્બરમ અને તેમના દિકરા કાર્તિ ચિદમ્બરમને આગોતરા જામીન મળી ગયા છે. સીબીઆઇની વિશેષ કોર્ટે ગુરૂવારે જણાવ્યું છે કે ધરપકડની સ્થિતિમાં ચિદમ્બરમ અને કાર્તિ ચિદમ્બરમને એક લાખ રૂપિયાના વ્યક્તિગત બોન્ડ પર આગોતરા જામીન આપવામાં આવ્યા છે.
જો કે કોર્ટે ચિદમ્બરમ અને કાર્તિએ કેસાના સાક્ષી અને પુરાવા સાથે કોઇ છેડછાડ ન કરવા તેમજ તપાસમાં સહયોગ આપવા આદેશ કર્યો છે. એરસેલ-મેકિસસ ડીલ કેસમાં પ્રવર્તન નિદેશાલય (ED) તરફથી પી. ચિદમ્બરમની ધરપકડની માગ કરવામાં આવી હતી. આ કેસમાં સોમવારે પણ દિલ્હીની રાઉજ એવેન્યુ કોર્ટમાં સુનાવણી કરવામાં આવી હતી. આ દરમિયાન ઇડીએ ચિદમ્બરમને આગોતરા જામીન આપવાનો વિરોધ કર્યો હતો.
કોર્ટેના આજના આદેશ બાદ ED અને CBI બંને એજન્સી હવે પી. ચિદમ્બરમ અને કાર્તિ ચિદમ્બરમને એરસેલ-મેકિસસ કેસમાં ધરપકડ કરી શકશે નહીં. જો કે INX મીડિયા કેસને લઇને પી ચિદમ્બરમની ED ધરપકડ કરે તેવી શક્યતા છે.
જો કે કોર્ટે પી. ચિદમ્બરમ અને પુત્ર કાર્તિ ચિદમ્બરમને આ જામીન શરતોને આધીન આપવામાં આવી છે જેમાં તપાસ એજન્સીઓને તપાસમાં સહયોગ કરવાનું સામેલ છે.
કોર્ટે પી. ચિદમ્બરમ અને કાર્તિ ચિદમ્બરમને જામીન આપતા આદેશમાં કહ્યું છે કે તેઓ પૂરાવા સાથે આ મામલે કોઇ છેડછાડ કરી શકશે નહીં. આ કેસ ફોરેન ઇન્વેસ્ટમેન્ટ પ્રમોશન બોર્ડ (FIBP) સાથે જોડાયેલો છે.
2006માં એરસેલ-મેક્સિસ ડીલને પી. ચિદમ્બરમે નાણામંત્રી સમયે મંજૂરી આપી હતી. પી. ચિદમ્બરમ પર આરોપ છે કે તેમની પાસે 600 કરોડ રૂપિયા સુધીના પ્રોજેક્ટ પ્રોપજલને જ મંજૂરી આપવાનો અધિકાર હતો.
તેમ છતાં આ મોટા પ્રોજેક્ટને મંજૂરી આપવા માટે તેમણે આર્થિક મામલાની કેબિનેટ સમિતિની મંજૂરી લેવાની જરૂર હતી. એરસેલ-મેક્સિસ ડીલ કેસ 3500 કરોડ રૂપિયાની એફડીઆઇની મંજૂરીની હતી.
તેમ છતાં એરસેલ-મેક્સિસ એફડીઆઇ મામલે ચિદમ્બરમે કેબિનેટ કમિટી ઓન ઇકોનોમિક અફેર્સની મંજૂરી વગર પાસ કરી દેવાઇ હતી. જો કે આ અગાઉ INX મીડિયા કેસમાં સુપ્રીમ કોર્ટે પી. ચિદમ્બરમની આગોતરા જામીન અરજી ફગાવી હતી, જેને લઇને ED હવે કોઇપણ સમયે આ કેસને લઇને ધરપકડ કરી શકે છે.