વાહ! / આનંદો! હવે બાઈક અને સ્કૂટરમાં પણ કારની જેમ આ જોરદાર સુવિધા મળશે, અકસ્માતનો ભય નહી રહે

• સ્કૂટરમાં કાર જેવું એરબેગનું સેફ્ટી ફીચર મળશે
• બે ઓટો કંપનીઓ તેમની પ્રોડક્ટ પર એરબેગ આપશે
• સ્કૂટરમાં પણ હવે જબરદસ્ત ફીચર્સ 

જોકે હજુ પણ ટુ વ્હીલરચાલકો અકસ્માતોમાં જીવ ગુમાવે છે. બીજી બાજુ ભારતની સાથે સાથે સમગ્ર વિશ્વમાં ટુ વ્હીલર્સની ડિમાન્ડ વધી છે. આથી હવે માર્ગ અકસ્માતમાં ટુ વ્હીલર્સચાલકોની સુરક્ષા સુનિશ્ચિત કરવા ટુ વ્હીલરમાં એક નવું એપડેટ આવી રહ્યું છે.

હકીકતમાં હવે કારની જેમ બાઈક અને સ્કૂટરમાં પણ એરબેગનું સેફ્ટી ફીચર મળશે. PIAGGIO ઓટો કંપનીએ હવે બાઈક અને સ્કૂટરમાં એરબેગ આપવા પર કામ શરૂ કરી દીધું છે. આ ફીચર માટે તેણે ઓટોિલવ કંપની સાથે પાર્ટનરશિપ પણ કરી છે. આમ PIAGGIO ઓટો અને ઓટોલિવ બંને એરબેગના સેફ્ટી ફીચર માટે આખરી તબક્કામાં કામગીરી કરી રહ્યા છે.

બાઈક અને સ્કૂટરની ફ્રેમ પર એરબેગ લગાવવામાં આવશે અને જેવી કોઈ વાહન સાથે ટક્કર થશે તો એરબેગ સામેની બાજુએ ખૂલી જઈને ચાલકને અકસ્માત સામે સુરક્ષા પૂરી પાડશે. હવે પ્રશ્ન એ છે કે આ ફીચર ટુ વ્હીલર્સમાં કેટલું સુરક્ષિત રહેશે?   તો એવું જાણવા મળ્યું છે કે આ બંને ઓટો કંપનીઓ એરબેગના સેફ્ટી ફીચર માટે સ્કૂટર અથવા બાઈક પર ક્રેશ ટેસ્ટ પણ કરી ચૂકી છે. આમ પણ PIAGGIO ઓટો કંપની પોતાના સેફ્ટી ફીચર્સ માટે જાણીતી છે અને તેથી તેના દ્વારા ટુ વ્હીલર્સમાં નવા એરબેગના ફિચર પર ભરોસો કરી શકાય છે. 

ઓટોિલવ કંપનીના સીઈઓ મિકેલ બ્રેટે જણાવ્યું છે કે, અત્યાર સુધી બાઈક અને સ્કૂટર માટે અકસ્માત સામે આવું કોઈ સેફ્ટી ફીચર માર્કેટમાં ઉપલબ્ધ ન હતું, પરંતુ હવે અમે ટૂંક સમયમાં જ આ સેફ્ટી ફીચર સામાન્ય નાગરિકો માટે લાવી રહ્યા છીએ.