ટોચની એરલાઇન કંપની (Air Asia)એ પોતાના ગ્રાહકો માટે બમ્પર ડિસ્કાઉન્ટ ઑફર શરૂ કરી છે. 'મેગા સેલ'ના નામથી શરૂ કરવામાં આવેલી આ ઑફરમાં 849 રૂપિયામાં દેશના ઘણા શહેરોમાં અને 1999 રૂપિયામાં વિદેશમાં સફર કરી શકશો. મેગા સેલ હેઠળ ટિકિટ બુક કરાવવા પર 1 ઓક્ટોબર 2018 થી 28 મે 2019ની વચ્ચે મુસાફરી કરી શકાશે. 849 રૂપિયામાં બેંગ્લુરુ જયપુર નવી દિલ્હી રાંચી ચેન્નાઇ વગેરે શહેરમાં સફર કરી શકાશે.
જો તમે પણ Air Asiaની મેગા સેલ ઑફરનો ફાયદો લેવા માંગો છો તો તમારે 26 માર્ચથી 1 એપ્રિલ 2018ની વચ્ચે કંપની વેબસાઇટ અથવા તો મોબાઇલ એપના માધ્યમથી ટિકિટ બુક કરાવવાની રહેશે. કંપનીને તરફથી કહેવામાં આવ્યું છે કે ''આ ઑફર હેઠળ ટિકિટ બુક કરાવવા પર 1 ઓક્ટોબર 2018 થી 28 મે 2019ની વચ્ચે મુસાફરી કરી શકાશે.'' કંપનીએ આગળ કહ્યુ કે આ હેઠળ એક તરફથી ડોમેસ્ટિક ફ્લાઇટની સફર 849 રૂપિયાથી ઉપલબ્ધ છે અને આ ડિસ્કાઉન્ટ www.airasia.com અથવા તો Air Asia મોબાઇલ એપની મદદથી બુક કરાવવા પર જ મળશે.
Air Asiaની તરફથી કહેવામાં આવ્યુ છે કે કુઆલાલામ્પુર બેંગકોક ફૂકેટ અને મેલબર્નની મુસાફરી માટે સસ્તી ટિકિટ ઉપલબ્ધ છે. આ જગ્યાઓ માટે ઓછામાં ઓછી ટિકિટ 1999 રૂપિયામાં બુક કરાવી શકાશે. આ ઑફરનો લાભ લઇને બેંગ્લૂરુ રાંચી જયપુર ભુવનેશ્વર વિશાખાપટ્ટનમ નાગપુર ઇંદોર કોચ્ચિ. હૈદરાબાદ પૂના ગુવાહાટી ચેન્નાઇ કોલકાતા જેવા શહેરોમાં પણ જઇ શકાશે.