માઠી બેઠી / દિલ્હીમાં હવાનું પ્રદૂષણ ખતરનાક સ્તર પર, આજે AQI 386એ પહોંચ્યો

• દિલ્હીમાં હવા પ્રદૂષણ ખતરનાક સ્તર પર
• હવા પ્રદૂષણ વધતા દિલ્હીમાં લોકોને શ્વાસ લેવો પણ મુશ્કેલ
• દિલ્લીમાં આજે AQI 386એ પહોંચ્યું જે ખુબ ખરાબ શ્રેણીમાં આવે છે

હવા પ્રદૂષણ વધતા દિલ્લીમાં લોકોને શ્વાસ લેવો પણ મુશ્કેલ થઇ રહ્યો છે. દિલ્લીમાં આજે AQI 386એ પહોંચ્યું જે ખુબ ખરાબ શ્રેણીમાં આવે છે. ત્યારે સુપ્રીમ કોર્ટની ફટકાર બાદ દિલ્લી સરકાર એક્શનમાં આવી છે અને દિલ્લીમાં CM કેજરીવાલે 1 સપ્તાહ માટે તમામ સ્કૂલ બંધ રાખવાનો નિર્ણય કર્યો છે. 

સરકારી કર્મીઓને વર્ક ફ્રોમ હોમ અપાયું 

સાથે જ તમામ સરકારી કર્મીઓને વર્ક ફ્રોમ હોમ માટે કહેવાયું છે. અને કંસ્ટ્રક્શન એક્ટિવિટી પર પણ રોક લગાવી દેવાઇ છે. દિલ્લીમાં વધતા પ્રદૂષણને લઇ સુપ્રીમ કોર્ટે દિલ્લી સરકારની ઝાટકણી કાઢી હતી. પ્રદૂષણને લઇ CJI રમન્નાએ કહ્યું હતું કે હાલ સ્થિતિ ખુબ જ ગંભીર છે. અમે ઘરમાં પણ માસ્ક પહેરવા મજબૂર છીએ. 
આગામી 2-3 દિવસોમાં વાયુ પ્રદૂષણ વધવાની ચિંતા 

Delhi | Air Quality Index (AQI) presently at 386 (overall) in the 'very poor' category, as per SAFAR-India

Visuals from Copernicus Marg and India Gate. pic.twitter.com/ixdnVtN5b9

— ANI (@ANI) November 14, 2021

CJIએ કહ્યું કે અમને તાત્કાલિક જણાવો કે AQI 200થી નીચે કેમ આવશે?. આગામી 2-3 દિવસમાં વાયુ પ્રદૂષણ હજૂ વધી જશે. ત્યારે 2 દિવસ લોકડાઉન સહિતના ઉપાયો પર વિચાર કરો. અને ઇમરજન્સી નિર્ણય લો, લાંબા ગાળા માટે પછી વિચારીશું. CJIએ કહ્યું કે સ્કૂલો ખુલી ચૂકી છે અને બાળકો બહાર છે. તો સોલિસીટર જનરલના જવાબ પર CJIએ ફટકાર લગાવી. તેઓએ કહ્યું કે સરકાર માત્ર ખેડૂતોને જવાબદાર ઠેરવી રહી છે. જ્યારે ખેડૂતોને પ્રોત્સાહનની જરૂર છે.

પ્રદૂષણને લઇ શું લેવાયા નિર્ણય?

• 1 સપ્તાહ માટે તમામ સ્કૂલ બંધ રાખવાનો કર્યો છે નિર્ણય
• તમામ સરકારી કર્મીઓને વર્ક ફ્રોમ હોમ માટે કહેવાયું
• કંસ્ટ્રક્શન એક્ટિવિટી પર પણ રોક લગાવી દેવાઇ
• ખાનગી સંસ્થાઓને પણ એડવાઇઝરી જારી કરાઇ છે
• સ્થિતિ ખરાબ થઇ તો લોકડાઉન પણ લાગૂ કરી શકાય છે
• લોકડાઉનને લઇ એક પ્રસ્તાવ પાસ કરાઇ શકાય છે
• બજારમાં જીવનજરૂરિયાતની વસ્તુઓ મળવાનું યથાવત રહેશે
• જીવનજરૂરિયાતની વસ્તુઓની દુકાન અને વ્યાવસાયિક સંસ્થાન ખુલા રહેશે