પ્રદુષણ / અમદાવાદીઓ ચેતી જજો! પ્રદૂષણમાં હવે આપણે દિલ્હીની હરિફાઈમાં, હવા ઝેરી બની

• પીરાણા, ચાંદખેડા શહેરના સૌથી પ્રદૂષિત વિસ્તાર
• AQIમાં હનિકારક હવામાં ભારે વધારો
• AQI-300 પહોંચશે તો ડેન્જર ઝોન કહેવાય

દિલ્હીની જેમ અમદાવાદમાં પણ પ્રદુષણ વકર્યું છે. પિરાણા, ચાંદખેડા, એરપોર્ટ શહેરના સૌથી પ્રદુષિત વિસ્તારો છે. પ્રદુષણને એર ક્વોલિટિ ઇન્ડેક્સ(AQI)માં માપવામાં આવે છે જેનો મતલબ એ થાય કે હવામાં હનિકારક કણોનું માપ. અમદાવાદના લોકો શ્વાસમાં હાનિકારક હવા લઇ રહયા છે 

શહેરમાં મનપા અને હવામાન ખાતાએ લગાવી છે 12 સિસ્ટમ

અમદાવાદ શહેરમાં વાયુ પ્રદુષણની મોનિટરીંગ સિસ્ટમ લગાડવામાં આવી છે, જેમાં શહેરના વાયુ પ્રદૂષણમાં વધારો જોવા મળ્યો છે. દિલ્હી શહેર બાદ અમદાવાદની હવા પણ ઝેરી બની છે. અમદાવાદ મ્યુનિસિપલ કૉર્પોરેશન અને હવામાન વિભાગ દ્વારા લગાડવામાં આવેલી ઍર ક્વૉલિટી મોનિટરીંગ સિસ્ટમમાં મપાયેલી હવા પ્રદૂષિત છે. શહેરમાં હવામાન વિભાગ અને મનપાએ 12 જેટલી ઍર ક્વૉલિટી મોનિટરીંગ સિસ્ટમ મૂકી છે જેમાં છેલ્લા બે દિવસથી વાયુ પ્રદૂષણનો ઇન્ડેક્સ વધારે જોવા મળી રહ્યો છે. હવામાં પીએમ 2.5 રજકણોની માત્રા વધીને 365 પહોંચી, અમદાવાદમાં પિરાણામાં સૌથી વધુ હવા પ્રદુષિત બની

પિરાણા, એરપોર, ચાંદખેડામાં AQI નિમ્ન સ્તરે 

• પિરાણામાં AQI-243ને પાર
• ચાંદખેડામાં AQI-215ને પાર
• એરપોર્ટ પર AQI-211ને પર
• સેટેલાઇટમાં AQI-193ને પાર
• ગાંધીનગરમાં પણ AQI-150
•  બોપલમાં AQI-198

AQI-300 પહોંચે એટલે ડેન્ઝર ઝોન કહેવાય 

અમાદાવાદમાં મોટા ભાગમાં હવાની માત્રા હાનિકારક છે. પીરાણા જેવા વિસ્તાર ડેન્ઝર ઝોનની નજીક સરકી રહ્યા છે. એ દિવસો દુર નથી કે અમદાવાદ પણ દિલ્હીની જેમ જ પ્રદુષણનું હબ બની જશે. 

અમદાવાદમાં પ્રદુષિત ધૂમાડો ઓકતી ફેક્ટરીઓની ભરમાર

અમદાવાદમાં ફેકટરીઓ, કારખાના ઉપરાંત વાહનોનો ધુમાડો હવાને પ્રદુષિત કરે છે. રાજ્ય પોલ્યુશન કંટ્રોલબોર્ડ માત્ર બણગાં ફુંકે છે પણ વાસ્તવમાં,વટવા, નારોલ, નરોડા, પિરાણા સહિતના ઔદ્યોગિક વિસ્તારોમાં આજેય હવામાં ઝેરી પ્રદુષણ ઓકતી ફેક્ટરીઓની ભરમાર છે. આમ છતાંય ભ્રષ્ટ અધિકારીઓ મોટામસ હપ્તા લઇ આ મુદ્દે ઝાઝુ ધ્યાન આપતાં નથી પરિણામે અમદાવાદ શહેરમાં એવી પરિસ્થિતીનુ નિર્માણ થયુ છેકે, અમદાવાદ પણ દિલ્દીની જેમ પ્રદુષિત બનવા માંડયુ છે. હવાના પ્રદુષણમાં આજે દિલ્હી બાદ અમદાવાદ બીજા ક્રમે રહ્યુ હતું.

પ્રદુષણમાં દિલ્હી બાદ અમદાવાદનો નંબર 

આજે અમદાવાદમાં પિરાણામાં પીએમ 10ની માત્રા વધીને 319 જયારે પીએમ 2.5ની માત્રા 356 સુધી પહોચી હતી જેથી હવા એકદમ ઝેરી બની રહી હતી. વાસ્તવમાં પીએમ10ની માત્રા 100થી વધુ વધવી જોઇએ નહી. આ જ પ્રમાણે, પીએમ 2.5ની માત્રા 60થી વધુ ન હોવી જોઇએ.હવામાં પીએમ 2.5ની માત્રા 121થી વધુ થાય તો તે અતિખરાબ ગણવામાં આવે છે.

સેટેલાઇટ, બોપલ, રખિયાલ અને ચાંદખેડાની હવા ઝેરી

હવાની ગુણવત્તાના ધારાધોરણો કરતાં ય ઝેરી રજકણોની માત્રા વધુ જોવા મળી હતી. સેટેલાઇટ, બોપલ, રખિયાલ અને ચાંદખેડામાં હવાની ગુણવત્તા એટલી હદે ઝેરી બની રહી હતીકે, મોનિટરીંગ સિસ્ટમે વૃધ્ધ લોકોને ઘરની બહાર નિકળવાની એડવાઇઝરી બહાર પાડી હતી. આ ઉપરાંત એવી સલાહ આપવામાં આવી હતીકે, અસ્થમા, હૃદયરોગ અને શ્વાસના દર્દીઓને શ્વાસ લેવામાં તકલીફ પડે તો,દવા લેવી અથવા ડૉક્ટરનો સંપર્ક કરવો.