નિર્ણય / એર માર્શલ વી.આર. ચૌધરી બનશે ઈન્ડીયન એરફોર્સના ચીફ, કેન્દ્ર સરકારે આપી લીલીઝંડી

• વી.આર.ચૌધરી નવા એર માર્શલ બનશે
• વી.આર.ચૌધરી હાલમાં વાઇસ ચીફ ઓફ એર સ્ટાફ છે
• 30 સપ્ટેમ્બરે RKS ભદૌરિયા નિવૃત થઇ રહ્યાં છે

હાલ તેઓ વાયુસેનાના વાઈઝ ચીફ પ્રમુખ છે. નોંધનીય છે કે, વર્તમાન ચીફ માર્શલ આર.કે ભદૌરિયા આગામી 30 સપ્ટેમ્બર 2021ના રોજ સેવા નિવૃત્ત થશે. 

કોણ છે વિવેક ચૌધરી ?

એર માર્શન વિવેક ચૌધરીને સૈન્ય પુરસ્કાર 'અતિ વિશિષ્ઠ સેવા મેડલ'આપીને સન્માનિક કરવામાં આવી ચૂક્યા છે. આ પુરસ્કાર ઉત્તમ યુદ્ધ સેવા મેડલની સમકક્ષ માનવામાં આવે છે. વેસ્ટર્ન એર કમાન્ડના ચીફ તરીકે એર માર્શલ વિવેક ચૌધરીની પોસ્ટિંગ એવા સમય પર થઈ હતી, જ્યારે પૂર્વીય લદ્દાખમાં લાઈન ઓફ એક્ચ્યૂઅલ કંટ્રોલ (LAC)પર ભારત અને ચીનની સરહદો વચ્ચે ખૂબ વિવાદ વધી ગયો હતો. સાથે જ પાકિસ્તાન સતત બોર્ડર પર પોતાની નાપાક હરકત કરી રહ્યું હતું.

Government of India has decided to appoint Air Marshal VR Chaudhari, presently Vice Chief of Air Staff as the next Chief of Air Staff. Current Chief of Air Staff Air Chief Marshal RKS Bhadauria retires from Service on 30th Sep 2021: Defence Ministry pic.twitter.com/AQFo9i72ku

— ANI (@ANI) September 21, 2021

આ વર્ષે જ બનાવાયા હતા વાયુસેનાના ડેપ્યુટી ચીફ

એર માર્શલ વિવેક રામ ચૌધરીને એર માર્શલ હરજીત સિંહ અરોરાની જગ્યાએ આ વર્ષે જૂનમાં ભારતીય વાયુસેનાના ડેપ્યુટી ચીફ તરીકે નિયુક્ત કરવામાં આવ્યા હતા. અગાઉ તેમણે IAF ના વેસ્ટર્ન એર કમાન્ડ (WAC) ના કમાન્ડર-ઇન-ચીફ તરીકે સેવા આપી હતી, જે સંવેદનશીલ લદાખ ક્ષેત્ર તેમજ ઉત્તર ભારતના અન્ય વિવિધ ભાગોમાં દેશના હવાઈ ક્ષેત્રની સુરક્ષાની દેખરેખ રાખે છે.

3,800 કલાકનો ઉડાનનો અનુભવ 

નેશનલ ડિફેન્સ એકેડમીના ભૂતપૂર્વ વિદ્યાર્થી એર માર્શલ ચૌધરીને 29 ડિસેમ્બર 1982 ના રોજ ભારતીય વાયુસેનાના લડાયક પ્રવાહમાં સામેલ કરવામાં આવ્યા હતા. 38 વર્ષની લાંબી પ્રતિષ્ઠિત કારકિર્દીમાં અધિકારીએ IAF માં વિવિધ પ્રકારના ફાઇટર અને ટ્રેનર વિમાનો ઉડાવ્યા છે. તેમની પાસે મિગ -21, મિગ -23 એમએફ, મિગ 29 અને સુખોઇ -30 એમકેઆઇ ફાઇટર એરક્રાફ્ટ પર ઓપરેશનલ ફ્લાઇટ સહિત 3,800 કલાકનો ઉડાનનો અનુભવ છે. એર માર્શલ ચૌધરીએ ઘણા મહત્વના હોદ્દાઓ પર સેવા આપી છે. તે ફ્રન્ટલાઈન ફાઈટર સ્ક્વોડ્રનના કમાન્ડિંગ ઓફિસર હતા અને ફ્રન્ટલાઈન ફાઈટર બેઝની કમાન પણ સંભાળી હતી.