સલામ / જ્યાં ઈંધણ જામી જવાનો ભય છે તેવી જગ્યાએ પહોંચશે ભારતની આ મહિલાઓ, જાણો વિગત

• મહિલા પાયલટની મહાન ઉડાન
• 16 હજાર કિલોમીટરની નોન સ્ટોપ ઉડાન
• 4 મહિલા પાયલટને કમાન

ઉલ્લેખનીય છે કે, તેઓ કુલ 16 હજાર કિલોમીટરની હવાઈ યાત્રા કરવાના છે અને આ ટીમનું નેતૃત્વ કેપ્ટન ઝોયા અગ્રવાલ કરશે. ઝોયા અગ્રવાલ એ પાયલટ છે, જેઓ વર્ષ 2013માં સૌથી નાની વયે બોઈંગ-777 ઉડાડીને લોકોનું ધ્યાન ખેંચ્યું હતું. અમેરિકાના સેંસ ફ્રાંસિસ્કોથી બેંગાલુરુની આ ફલાઈટ નોર્થ પોલના રૂટ પરથી આવશે. 

મોટો પડકાર માનવામાં આવે છે આ રૂટને 

આ રૂટને પાયલટ માટે મોટો પડકાર માનવામાં આવે છે. કારણકે આ રૂટ પર એરપોર્ટની સંખ્યા ઘણી ઓછી છે. મેગ્નેટિક ફિલ્ડની રેંજ આવતા અકસ્માતનો ખતરો રહે છે અને આકસ્મીક સમયે ડાયવર્ઝન માટેની તકો ઓછી છે. 

ઈંધણ જામી જવાનો ખતરો

આટલું જ નહીં ઠંડો વિસ્તાર હોવાથી ઈંધણ જામી જવાનો ખતરો રહે છે. છતાં પોતાની કાબેલિયતથી આ મહિલા પાયલટ એક મોટી સિદ્ધિ હાસલ કરશે તેવી આશા સેવાઈ રહી છે. આ ફ્લાઈટ સોમવારે રાત્રે અઢી વાગે બેંગાલુરુ એરપોર્ટ પર પહોંચશે.

મારા માટે આ સુવર્ણ અવસર

કેપ્ટન ઝોયાએ કહ્યું કે, વિશ્વભરના મોટાભાગના લોકો તેમના જીવનમાં ઉત્તર ધ્રુવ અથવા તેના નકશાને જોઈ શકશે નહીં. હું ખરેખર મારી જાતને ખૂબ ભાગ્યશાળી માનું છું કે નાગરિક ઉડ્ડયન મંત્રાલય અને અમારા ધ્વજ વાહક દ્વારા મારા પર વિશ્વાસ મૂક્યો. સાઉથ ફ્રાન્સિસ્કોથી બોઇંગ 777 થી ઉત્તર ધ્રુવ ઉપર બેંગલોર જવા માટે વિશ્વની સૌથી લાંબી અને પ્રથમ ફ્લાઇટને આદેશ આપવાની ખરેખર એક સુવર્ણ તક છે.