બિઝનેસ / ભારતીય વિમાન ઉદ્યોગ માટે 'ઐતિહાસિક ક્ષણ', AirIndia એ આપ્યો એકસાથે 840 વિમાનોનો ઓર્ડર

• ભારતીય વિમાન ઉદ્યોગ માટે 'ઐતિહાસિક ક્ષણ'
• AirIndia એ આપ્યો 840 વિમાનોનો ઓર્ડર
• અધિકારીએ આપી સંપૂર્ણ માહિતી

એયર ઈન્ડિયાએ એરબસ અને બોઈંગને કુલ 840 વિમાનોનો ઓર્ડર આપેલ છે. કંપનીનાં એક વરિષ્ઠ અધિકારીએ આજે જણાવ્યું કે આ ડીલમાં 370 વિમાનો ખરીદવાનો વિકલ્પ શામેલ છે. એર ઈન્ડિયાએ ગઈકાલે કહ્યું હતું કે તેણે 470 વિમાનોનો કોન્ટ્રેક્ટ આપેલ છે જેમાંથી 250 એર બસ અને બોઈંગથી 220 વિમાનો ખરીદવામાં આવશે.

Of total 840-aircraft order, 470 is for planes while the rest 370 are options: Air India executive

Read @ANI Story | https://t.co/ZYz1YgKvXH#AirIndia #840Aircraft #470Planes #370Options pic.twitter.com/WknO1NcfNF

— ANI Digital (@ani_digital) February 16, 2023

એર ઈન્ડિયાનાં મુખ્ય ફાઈનાન્શિયલ અધિકારી નિપુણ અગ્રવાલે એક લિંક્ડ ઈન પોસ્ટ પર કહ્યું કે એરલાઈન દ્વારા વિમાન ખરીદવા અંગે નવા ઓર્ડરની ખબરથી દુનિયાભરમાં દેખાઈ રહેલા ઉત્સાહને લઈને કંપની વિનમ્ર છે. તેમણે જણાવ્યું કે 2 વર્ષ પહેલાં એર ઈન્ડિયાનાં ખાનગીકરણની સાથે શરૂ થયેલી પ્રક્રિયા અંતર્ગત કુલ 840 વિમાનોનો ઓર્ડર આપવામાં આવ્યો છે. 

ભારતીય વિમાન ઉદ્યોગ માટે 'ઐતિહાસિક ક્ષણ'
તેમણે કહ્યું કે ઓર્ડર અંતર્ગત આવનારાં દશકમાં એરબસ અને બોઈંગ પાસેથી 470 વિમાન ખરીદવામાં આવશે તેમાંથી 370 વિમાન ખરીદવાનો વિકલ્પ પણ શામેલ છે. આ આધુનિક વિમાન ઈતિહાસમાં કોઈ પણ એરલાઈન દ્વારા આપવામાં આવેલા ઓર્ડરમાંથી સૌથી મોટો વિમાન ઓર્ડરમાંથી એક હશે. અધિકારીએ કહ્યું કે ભારતીય વિમાન ઉદ્યોગ માટે આ ઓર્ડર એક 'ઐતિહાસિક ક્ષણ' છે.

ગઈકાલે કહ્યું કે 470 વિમાનોનો અપાયો છે કોન્ટ્રેક્ટ
ગઈકાલે બુધવારે એરલાઈન્સે જણાવ્યું હતું કે, 'તેણે 470 વિમાનો માટે કોન્ટ્રેક્ટ આપેલ છે જેમાંથી એરબસથી 250 વિમાન અને બોઈંગથી 220 વિમાન ખરીદવામાં આવશે.' તેમણે કહ્યું હતું કે, 'અમે CFM ઈન્ટરનેશલ, રોલ્સ રૉયસ અને JE એરોસ્પેસની સાથે એન્જિનોનાં લાંબાગાળાની જાળવણી માટે પણ કરાર કરેલ છે.'

40 મોટા અને 210 નાનાં આકારનાં વિમાન ખરીદાશે
ટાટા સમૂહની એરલાઈનસ એરબસથી 40 મોટા આકારનાં A350 અને 210 નાનાં આકારનાં વિમાનો ખરીદશે. એક ઓનલાઈન બેઠકમાં ચંદ્રશેખરને કહ્યું કે આ વિમાનોને ખરીદવા માટે એરબસની સાથે આશય પત્ર પર હસ્તાક્ષર કરવામાં આવ્યાં છે. આ બેઠકમાં પ્રધાનમંત્રી નરેન્દ્ર મોદી અને ફ્રાંસનાં રાષ્ટ્રપતિ એમૈન્યુઅલ મેક્રો પણ હાજર હતાં.