નવી દિલ્હી / વિકાસ! મોદી સરકારે પહેલાં નવરત્ન કંપનીઓ અને હવે આખે આખી Air India વેચવા કાઢી

• સરકારે એર ઈન્ડિયાનાં વેચાણની યોજના રજુ કરી છે
• એર ઈન્ડિયા એક્સપ્રેસની 100 ટકાની ભાગીદારીની હરાજી થશે
• એર ઈન્ડિયા 18000 કરોડના ફડચામાં છે

સરકારે જાહેર કરેલાં બિડ ડોક્યુમેન્ટમાં જણાવ્યાં મુજબ એર ઈન્ડિયા એક્સપ્રેસની 100 ટકા ભાગીદારી વેચશે. આ ઉપરાંત એર ઈન્ડિયા અને SATSની જોઈન્ટ વેન્ચર કંપની AISATSમાં એર ઈન્ડિયાની 50 ટકા ભાગીદારી વેચશે. એર ઈન્ડિયાનું મેનેજમેન્ટ પર બોલી જીતનાર કંપનીને મળી જશે. આ ઉપરાંત કંપની 18,000 કરોડના ફડચામાં છે.

17 માર્ચએ છેલ્લી તારીખ છે

સરકારે એર ઈન્ડિયા માટે એક્સપ્રેશન ઓફ ઈન્ટ્રેસ્ટ(EoI) એટલે કે રસ દાખલનાર માટે 17 તારીખની ડેડલાઈન નક્કી કરી છે. એક ન્યૂઝ એજન્સીનાં માધ્યમથી સરકારે જણાવ્યું છે કે એર ઈન્ડિયા માટે શક્ય બિર્ડ્સમાં ટાટા ગ્રુપ, હિંદુજા, ઈન્ડિગો, સ્પાઈજેટ અને કેટલીય ખાનગી કંપનીઓનો સમાવેશ થાય છે. એર ઈન્ડિયાની હરાજીમાં ભાગ લેવા માંગતી વિદેશી કંપનીઓ ભારતીય કંપનીઓ સાથે ભાગીદારી કરી શકે છે.

Air India disinvestment: The Government of India (GOI) has set 17th March as deadline for submitting Expression of Interest https://t.co/iwrMT9FRWA

— ANI (@ANI) January 27, 2020

કેમ કંપનીઓ 18 હજારના દેવામાં ડુબેલી એર લાઈન્સ ખરીદવા તૈયાર

એર ઈન્ડિયાની સ્થિતિ સારી ન હોવા છતાં કંપનીઓ તેને ખરીદવામાં રસ દાખવી રહી છે કેમ કે તેની પાસે વિશાળ પોતાનું અને આતંરરાષ્ટ્રીય નેટવર્ક, ટ્રાફિક રાઈટ્સ અને લંડન, દુબઈ જેવા મહત્વપુર્ણ એરપોર્ટ પર સ્લોટ છે. તેન પાસે મોટો ટેક્નિકલ મેન પાવર અને ફ્લાઈટ છે. ઉલ્લેખનીય છે કે એર ઈન્ડિયા પર 18 હજાર કરોડનું દેવું છે. બોલીમાં 18 હજારનું દેવું પણ બતાવવામાં આવશે. 

સુભ્રમણ્યમ સ્વામીએ સરકારને ચેતવ્યા

બિડિંગ પ્રોસેસ શરુ કરતા પહેલા સુભ્રમણ્યમ સ્વામીએ સરકારને ચેતવણી આપી છે. તેમનું કહેવું છે  કે આ મુદ્દા પર સાંસદ સમિતિ દ્વારા વિચાર વિમર્શ કરવામાં આવી રહ્યો છે. તેમજ એર ઈન્ડિયાનાં વિનિવેશ પર સલાહકાર સમિતિની સામે વિચાર કરવામાં આવી રહ્યો છે.  તે પોતે આ સમિતિના સભ્ય છે. સ્વામીએ ચેતવણી આપી છે કે જો સરકાર આગળ વધશે તો તે અદાલતમાં જશે.