સરકરી એરલાઇન કંપની Air India 1000 રૂપિયામાં જ મુસાફરી કરવાની તક આપી રહી છે. કંપનીની ઑફરનો લાભ કેટલીક ખાસ ડોમેસ્ટિક ફ્લાઇટ પર યાત્રા કરનારા લોકો ઉઠાવી શકે છે. જોકે આ માટે મુસાફરો પાસે રાત્રે જ યાત્રા કરવાનો વિકલ્પ હશે. સસ્તી વિમાન ટિકિટની આ ઑફરનો લાભ 30 નવેમ્બરની રાતે શરૂ થતા ઉડ્ડયન માટે લઇ શકો છો.
આ ઓફર હેઠળ બેંગલુરુ-અમદાવાદ અને અમદાવાદ બેંગલુરુ રુટ પર માત્ર 1000 રૂપિયાના બેઝિક ફેર પર ટિકિટ ઉપલબ્ધ છે. દિલ્હીથી કોઈમ્બતુર અને કોઈમ્બતુરથી દિલ્હીની ટિકિટ 2500 છે. આ સાથે જ દિલ્હીથી ગોવા અને ગોવાથી દિલ્હીનું ભાડું 3000 રૂપિયા છે.
નોંધનીય છે કે આ પહેલા Air Asiaએ તાજેતરમાં જ ડોમેસ્ટિક ટિકિટનું વેચાણ 399 રૂપિયા અને ઇન્ટરનેશનલ ટિકિટનું વેચાણ 1999 રૂપિયાથી શરૂ કર્યુ હતુ. આ ઑફરનો લાભ મે 2019થી લઇને ફેબ્રુઆરી 2020 સુધીની મુસાફરી માટે લઈ શકો છો. આ ઉપરાંત Go Air પણ 1313 રૂપિયાની શરૂઆતની કિંમતથી લઇને ટિકિટના વેચાણની જાહેરાત કરી હતી. આ ઓફરનો લાભ લેવાની સમયમર્યાદા 5 નવેમ્બર 2018થી 4 નવેમ્બર 2019 વચ્ચે હોવી જોઇએ.