મુંબઇ: ઉડાન પહેલા વિમાનનો દરવાજો બંધ કરતા પટકાઇ એરહોસ્ટેસ

મુંબઈ: એરપોર્ટ પર એક અજીબો ગરીબ દુર્ઘટના સર્જાઈ છે. મુંબઈ એરપોર્ટ પર એર ઈન્ડિયાની ફ્લાઈટમાંથી એરહોસ્ટેસ નીચે પટકાઈ છે. મુંબઈ એરપોર્ટ પર બોર્ડિંગ દરમિયાન આ દુર્ઘટના સર્જાઈ હતી.

જેમાં એર હોસ્ટેસ ફ્લાઈટનો દરવાજો બંધ કરવા ગઈ હતી. તે સમયે અનાચક તે નીચે પડી ગઈ હતી. એરહોસ્ટેસને ઈજા પહોંચતા સારવાર અર્થે નાણાવટી હોસ્પિટલમાં ખસેડવામાં આવી છે.

આ ઘટના અંગે મળતી જાણકારી અનુસાર એર ઇન્ડિયાના ચાલકદળની પ૩ વર્ષીય એર હોસ્ટેસ એર ઇન્ડિયાનું વિમાન એઆઇ-864 મુંબઇથી જ્યારે દિલ્હી જવા ઉડાન ભરવાની તૈયારીમાં હતું.
 

An Air India air hostess fell off a Mumbai-Delhi flight this morning while boarding the aircraft at Mumbai airport. She has been admitted to Mumbai's Nanavati hospital. https://t.co/zYkOZltcqT

— ANI (@ANI) October 15 2018

ત્યારે તેણી દરવાજો બંધ કરતી વખતે નીચે પડી જતાં ગંભીર રીતે ઘાયલ થઇ હતી અને આ દુર્ઘટના સર્જાઇ હતી. જો કે એર ઇન્ડિયા દ્વારા આ અંગે કોઇ સત્તાવાર નિવેદન જારી કરવામાં આવ્યું નથી.

આપને જણાવી દઇએ કે આ દુર્ઘટના વિમાનના ઉડાન ભરવાની થોડી મિનિટો પહેલાં જ બની હતી. આ વિમાન આજરોજ વહેલી સવારે 7 વાગ્યાના સુમારે દિલ્હી જવા માટે ટેક ઓફ કરવાની તૈયારીમાં હતું.

જો કે આ એરહોસ્ટેસ વિમાનનો દરવાજો બંધ કરી રહી હતી ત્યારે પાછળથી ધક્કો લાગવાને કારણે તે વિમાનમાંથી જમીન પર નીચે પડી ગઇ હતી. તેની હાલત અત્યારે ગંભીર હોવાનું જણાવાય છે. હાલ નાણાંવટી હોસ્પિટલમાં તેની સારવાર ચાલી રહી છે.