પડઘા / ઈઝરાયલ-ઈરાન વચ્ચે યુદ્ધના ભણકારા, એર ઈન્ડિયાએ તેલ અવીવની તમામ ફ્લાઇટ કરી કેન્સલ

Air India : ઈઝરાયલ અને ઈરાન યુદ્ધની સ્થિતિ વચ્ચે એક મોટા સમાચાર સામે આવ્યા છે. વાસ્તવમાં ઈઝરાયલ અને ઈરાન વચ્ચે વધી રહેલા તણાવ વચ્ચે એર ઈન્ડિયાએ ઈઝરાયેલ માટે તેની તમામ ફ્લાઈટ્સ રદ કરી દીધી છે. શુક્રવારે એરલાઈને માહિતી આપી હતી કે, 8 ઓગસ્ટ સુધીની તમામ ફ્લાઈટ્સ રદ કરવામાં આવી છે. કંપનીએ વધુમાં જણાવ્યું હતું કે, તેલ અવીવની ફ્લાઈટ્સ તાત્કાલિક અસરથી રદ કરવામાં આવી છે.

મુસાફરોની સુરક્ષા પ્રથમ પ્રાથમિકતાઃ એર ઈન્ડિયા

આ તરફ એર ઈન્ડિયા કંપની ઈઝરાયેલની સ્થિતિ પર નજર રાખી રહી છે. કંપનીએ કહ્યું કે, મુસાફરો અને ક્રૂ મેમ્બર્સની સુરક્ષા અમારી પ્રથમ પ્રાથમિકતા છે.

વધુ વાંચો : યુએસમાં મોટી H-1B લોટરી હેરાફેરીનો પર્દાફાશ, ઇન્ડિયન-અમેરિકન કંડી શ્રીનિવાસ રેડ્ડી પર લાગ્યો આરોપ

નોંધનિય છે કે, તેહરાનમાં હમાસ ચીફ ઈસ્માઈલ હાનિયાના મોત બાદ ઈરાને ખુલ્લેઆમ ઈઝરાયેલને હુમલાની ચેતવણી આપી છે. ઈરાનની ચેતવણી બાદ મધ્ય એશિયા ક્ષેત્રમાં સ્થિતિ તંગ છે. ઉલ્લેખનીય છે કે, ઇઝરાયેલ અને હમાસ વચ્ચે ગયા વર્ષે 7 ઓક્ટોબરથી યુદ્ધ ચાલી રહ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ