અવાજની હાઇ ડેન્સીટીથી ગભરાઈ વાહનચાલકો અકસ્માત સર્જતાં હોવાની ફરિયાદો વધી શહેરમાં રેસર બાઇક, ગાડીઓ અને બસ તથા ટ્રક જેવા વાહનોમાં કેટલાક ચાલક, માલિકો ખૂબ જ મોટો અવાજ ધરાવતા એરહોર્ન લગાવે છે.
ખાસ કરીને ટ્રક, લકઝરી બસો અને બાઇક્સમાં આવા એરર્હોન વગાડવામાં આવે છે, ત્યારે ભડકી જઇને અન્ય વાહન ચાલકો અકસ્માત સર્જી દેતા હોય છે. વધારામાં તેનાથી અવાજનું પ્રદુષણ ફેલાય છે.તેથી આવા વાહનચાલકો ચેતી જજો નહીતો તમારું વાહન ડિટેઇન થઈ જશે.
અવાજના પ્રદુષણની આવી હાઇ ડેન્સીટી દૂર કરવા માટે પોલ્યુશન કંટ્રોલ બોર્ડ દ્વારા આદેશ કરવામાં આવ્યો છે. જેના પગલે પોલીસ દ્વારા આવા વાહન ચાલકો સામે દંડાત્મક કાર્યવાહી કરવામાં આવશે. તથા આવી ઝુંબેશ સતત ચાલુ રાખવામાં આવશે. હવે શાળા- કોલેજોમાં વિદ્યાર્થીઓનો અભ્યાસ શરૂ થઇ ગયો છે ત્યારે અત્યંત મોટા અવાજથી એરર્હોન વાગવાના કારણે અભ્યાસમાં વ્યાપક ખલેલ ઉભી થાય છે.
ફેન્સી નંબર પ્લેટ લગાવીને ફરતા બાઇક ચાલકોની પણ હવે ખેર રહેશે નહીં. શહેર વિસ્તારમાં ચેઇન સ્નેચીંગ અને વાહન ચોરીના બનાવો અટકાવવાના પગલારૂપે શહેર પોલીસ દ્વારા ફેન્સી નંબર પ્લેટો લગાવીને ફરતા બાઇક ચાલકો વિરૂધ્ધ ઝુંબેશ શરૂ કરવામાં આવશે. ફેન્સી નંબર પ્લેટ લગાવેલા બાઇક ડીટેઇન કરવામાં આવશે. તેના માટે સીસીટીવી કેમેરા નેટવર્કનો ઉપયોગ કરવામાં આવી રહ્યો છે.
આ ઉપરાંત કેટલાંક ચેઇન સ્નેચરો પણ અલગ અલગ બાઇકો લઇને અને નંબર પ્લેટ વિનાના બાઇક લઇને આવતા હોવાથી પોલીસે આ રસ્તો અપનાવ્યો છે. હવે ફેન્સી નંબર પ્લેટ લગાવીને ફરતા બાઇક ચાલકો વિરૂધ્ધ પણ ઝુંબેશ શરૂ કરવામાં આવશે. શહેરમા આવા વાહનોના કારણે અકસ્માતોમા વધારો થતો હોવાની ફરિયાદો મળતા આવી કાર્યવાહી કરવા નિર્ણય લેવાયો છે.
આવા વાહનો માનવીની શ્રવણ શક્તિ માટે હાનિકારક બની રહે છે.
એર ર્હોનના મામલે અધિકારી સુત્રોએ જણાવ્યું કે તેનાથી વ્યાપક માત્રામાં અવાજનુ પ્રદુષણ તો ફેલાય છે અને માનવીની શ્રવણ શક્તિ માટે હાનિકારક બની રહે છે. ઉપરાંત ગુસ્સા માટે પ્રેરણારૂપ બની રહે છે. તેવું આરટીઓ સૂત્રો દ્વારા જણાવાયું છે.