ભારતીય વાયુસેનામાં ઈતિહાસમાં પહેલી વાર કોઈ પિતા અને પુત્રીએ એકીસાથે ફાઈટર જેટ ઉડાવ્યું હતું.
ભારતીય વાયુસેનાના ઈતિહાસની પહેલી ઘટના
પિતા-પુત્રીની જોડીએ પહેલી વાર ઉડાવ્યું ફાઈટર જેટ
ફ્લાઈંગ ઓફિસર અનન્યા શર્માએ પિતા સંજય શર્મા સાથે ઉડાવ્યું વિમાન
પિતા અને પુત્રી સાથે સાથે પાયલટ બને અને એકીસાથે કોઈ લડાકૂ વિમાન ઉડાવે તે જોઈને દરેકને ખરેખર ગર્વની લાગણી થાય. કુદરતી રીતે દરેક પિતાને પુત્ર કરતા પુત્રી વધારે વ્હાલી હોય છે અને તેમાંય જ્યારે પોતાની દીકરી સાથે પાયલટ બનીને વિમાન ઉડાવવાની તક મળે ત્યારે તે પિતા કેટલી ધન્યતા અનુભવતા હશે તે જાણીને ખૂબ રોમાંચ થઈ આવે છે. દેશમાં પિતા-પુત્રીની જોડીએ આવું એક ભારે પ્રેરણાદાયી કામ કરીને છવાયા છે.
— PRO Defence Gujarat (@DefencePRO_Guj) July 5, 2022
ભારતીય વાયુસેનાના ઈતિહાસની પહેલી ઘટના
ભારતીય વાયુસેનામાં કંઈક એવું બન્યું છે જે પહેલાં ક્યારેય બન્યું નથી. એક તસવીર સામે આવી છે જેની સમગ્ર દેશમાં ચર્ચા થઈ રહી છે. તસવીર જોઈને અને તેના વિશે જાણીને તમને પણ ગર્વ થશે. પિતા અને પુત્રીની જોડી વિશેષ સિદ્ધિ માટે હેડલાઈન્સમાં ચમકી છે.
Historic! The Father-daughter duo Flying Officer Ananya & Air Commodore Sanjay Sharma,created history on May 30 when they flew in same formation of Hawk-132 aircraft at IAF Station Bidar.
Congratulations Ananya & Best Wishes. You definitely made your father & the Nation proud. pic.twitter.com/iKdVlbR6mP
ફ્લાઈંગ ઓફિસર અનન્યા શર્માએ પાઈલટ પિતા સાથે ઉડાણ ભરી
ફ્લાઈંગ ઓફિસર અનન્યા શર્મા તેના પિતા, ફાઈટર પાઈલટ સાથે ઉડાન ભરનારી પ્રથમ મહિલા ભારતીય પાઈલટ બની છે. પિતા અને પુત્રીની જોડીએ ભારતીય વાયુસેનાનું હોક-132 વિમાન ઉડાવ્યું હતું. પોતાના પિતાના પગલે ચાલીને અનન્યા શર્માએ એવી સિદ્ધિ હાંસલ કરી છે કે તેના પિતા પણ ગર્વ અનુભવે છે.
AIR COMMODORE SANJAY SHARMA and his daughter ANANYA SHARMA became the first father-daughter pair in the #IndianAirForce to fly in formation of the Hawk AJT in Bidar.
કોણ છે અનન્યા શર્મા
2016 માં IAF ની પ્રથમ મહિલા ફાઇટર પાઇલટ સેવામાં પ્રવેશ્યા પછી, અનન્યાએ પણ જોયું કે પાયલટ બનવાનું તેનું સપનું પુરુ થઈ શકે તેમ છે. ઇલેક્ટ્રોનિક્સ અને કોમ્યુનિકેશનમાં બીટેક પૂર્ણ કર્યા પછી, અનન્યાને ભારતીય વાયુસેનાની ફ્લાઇંગ શાખામાં તાલીમ માટે પસંદ કરવામાં આવી હતી. ડિસેમ્બર 2021માં ફાઇટર પાઇલટ તરીકે નિયુક્ત અનન્યાના પિતા એર કોમોડોર સંજય શર્માને 1989માં IAFના ફાઈટર સ્ટ્રીમમાં કમિશન આપવામાં આવ્યું હતું. તેમની પાસે લડાયક મિશનનો બહોળો અનુભવ છે.વર્ષ 2016 માં, ભારતીય વાયુસેનામાં પ્રથમ વખત 3 મહિલા ફાઇટર પાઇલોટ્સનો સમાવેશ કરવામાં આવ્યો હતો. ઑક્ટોબર 2015માં, ભારત સરકારે ભારતીય વાયુસેનામાં મહિલા ફાઇટર પાઇલટ્સને સામેલ કરવાની મંજૂરી આપી હતી. એરફોર્સમાં 1991થી મહિલાઓ હેલિકોપ્ટર અને ટ્રાન્સપોર્ટ એરક્રાફ્ટ ઉડાવતી હતી, પરંતુ તેમને ફાઈટર પ્લેનથી દૂર રાખવામાં આવ્યા હતા.