ભારતીય સેના માટે સૌથી મહત્વનું ગણાતા રાફેલ એરક્રાફ્ટ આખરે ભારતને મળી ગયા છે. આજે અંબાલા એરબેઝ પર 5 રાફેલ લેન્ડિંગ કરશે. 7 હજાર કિલોમીટરનું અંતર કાપીને આ રાફેલ વિમાન ભારતની ધરતી પર ઉતરશે. 8 વર્ષથી વધુ સમય હા અને ના બાદ હવે 5 રાફેલ વિમાન ભારત પહોંચી રહ્યા છે. રાફેલ આવવાથી ભારતીય વાયુસેનાની શક્તિમાં વધારો થશે. આ વિમાન પાડોશી દેશ ચીન અને પાકિસ્તાનના ખતરનાક ફાઈટર જેટને મોટો પડકાર આપશે.
આજે(બુધવાર) ભારત પહોંચશે 5 રાફેલ એરક્રાફ્ટ
7 હજાર કિમીનું અંતર કાપીને અંબાલા પહોંચશે રાફેલ
રાફેલ આવવાથી ભારતીય સેનાની શક્તિમાં થશે વધારો
31 જાન્યુઆરી 2012માં દસોલ્ટ રાફેલે 126 એરક્રાફ્ટ સપ્લાયની MMRCA બીડ જીતી હતી. ત્યારબાદ 10 એપ્રિલ 2015માં નવી ડીલ હેઠળ 36 વિમાનની ખરીદીની જાહેરાત થઈ હતી. ત્યાર બાદ હવે આજે 7 હજાર કિમીનું અંતર કાપીને 5 રાફેલ ભારત પહોંચી રહ્યા છે. રાફેલ વિમાન 1 હજાર 915 કિમી પ્રતિ કલાકની ઝડપથી ઉડાન ભરી શકે છે. રાફેલ માત્ર હવામાં જ નહીં પણ હવાથી જમીનમાં પણ મારક ક્ષમતા ધરાવે છે.
પાકિસ્તાનના F-16 અને J-20ને રાફેલ આપશે પડકાર
રાફેલ ટ્વીન એન્જિન, ડેલ્ટા વિંગ, સેમી સ્ટીલ્થ કેપેબિલિટીઝ સાથે ફોર્થ જનરેશનનું ફાઈટર છે. તે માત્ર સ્ફૂર્તિલું જ નહીં પણ પરમાણુ હુમલો કરવામાં પણ સક્ષણ છે. પાકિસ્તાનના તાકાતવર ફાઈટર જેટ F-16 અને ચીનના J-20માં આ ખુબીઓ નથી. સૌથી મોટી વાત J-20ની ક્ષમતાને લઈને વિવાદ પણ છે. પશ્ચિમી દેશ આ ફાઈટર જેટને ચીનનું પ્રોપેગેંડા પણ ગણાવે છે. ચીન તેને ફોર્થ જનરેશનનું ફાઈટર જણાવે છે. જોકે જે રીતે ખુબીઓનો દાવો કરવામાં આવ્યો છે તે ખુબીઓ પાંચમા જનરેશનના ફાઈટર પ્લેનમાં હોય છે. હાલ તો વિશ્વમાં પાંચમા જનરેશનનું એક જ ફાઈટર પ્લેન છે જે F-22 છે.
એક કલાકમાં 1 હજાર 915 કિમીની સ્પીડે ઉડાન ભરી શકે
રાફેલ એક કલાકમાં 1 હજાર 915 કિમીની સ્પીડે ઉડાન ભરી શકે છે. જ્યારે પાકિસ્તાનનું F-16 અને ચીનનું J-20 સ્પીડમાં રાફેલ કરતા આગળ છે. રાફેલ 15 હજાર 235 મીટરની ઉંચાઈએ ઉડી શકે છે. જ્યારે F-16 15240 અને ચીનનું J-20 18 હજાર મીટરની ઉંચાઈ ઉડી શકે છે. રાફેલ રેટ ઓફ ક્લાઈંબ એટલે કે પ્રતિ મિનિટમાં 18 હજાર 288 મીટરની ઉંચાઈએ પહોંચી શકે છે. જ્યારે F-16 15 હજાર 240 અને J-20 18 હજાર 288 મીટરની ઉંચાઈએ પહોંચી શકે છે.
રાફેલને રડાર ક્રોસ સેક્શન અને ઈન્ફ્રારેડ સિગ્નેચર સાથે ડિઝાઈન કરાયું છે. જેમાં ગ્લાસ કોકપિટ છે. સાથે જ એક કમ્પ્યૂટર સિસ્ટમ છે. જે પાયલટને કમાન્ડ અને કંટ્રોલ કરવામાં મદદ કરે છે. જેમાં M88-2 આગમેંટેડ એન્જિન લાગેલા છે.
1 મિનિટમાં 60 હજાર ફૂટની ઉડાન
રાફેલમાં એક એડવાન્સ એવિયોનિક્સ સૂટ પણ છે. રાફેલમાં લગાવાયેલું રડાર, ઈલેક્ટ્રોનિક કમ્યુનિકેશન સિસ્ટમ અને સેલ્ફ પ્રોટેક્શન ઈક્વિપમેન્ટનની કિંમત સમગ્ર વિમાન કરતા 30 ટકા છે. રાફેલ એક મિનિટમાં 60 હજારની ફૂટની ઉંચાઈએ ઉડી શકે છે. સાથે 24 હજાર 500 કિલો વજન લઈ જવામાં સક્ષમ છે. રાફેલની વિઝિબિલિટી 360 ડિગ્રી છે. જેની મદદથી ચારેય તરફ નજર રાખી શકાય છે.