મહામારી / ACથી ફેલાઇ શકે છે કોરોના વાયરસ? હાર્વર્ડના પ્રોફેસરે આપી આવી ચેતવણી

•  કોરોના વાયરસના સંક્રમણના ફેલાવા વચ્ચે વધુ એક ખુલાસો
• હાર્વર્ડના એક પ્રોફેસરે કર્યો ખુલાસો

ઉલ્લેખનીય છે કે, આ પહેલા કેટલાક નિષ્ણાંતોએ કહ્યું હતું કે, એર કંડિશનર ખૂદ સંક્રમણનું કારણ બની શકે છે. જો કે, નાની-નાની જગ્યાએ ચાલી રહેલ એસીમાં વધુ લોકો બેઠા હોય તો વાયરસ ફેલવવાનો ભય રહેલો છે. 

The Harvard Gazetteના એક અહેવાલમાં થયો ખુલાસો 

The Harvard Gazetteના એક અહેવાલમાં હાર્વર્ડ મેડિકલ સ્કૂલના મેડિકલ પ્રોફેસર એડવર્ડ નાર્ડેલને ટાંકીને જણાવ્યું છે કે, અમેરિકાના રાજ્યોમાં જ્યાં જૂન મહિનામાં તાપમાન વધુ હોય છે અને એસીનો ઉપયોગ કરવામાં આવે છે, ત્યાં કોરોના વાયરસનું ચેપ વધુ ઝડપીથી ફેલાયો છે. 

એડવર્ડ નાર્ડેલના જણાવ્યા પ્રમાણે શિયાળાની મોસમમાં સામાન્ય રીતે એવું જોવા મળે છે કે લોકો ઠંડા પવનોથી બચવા અને પોતાને ગરમ રાખવા માટે ઘરોમાં જ રહેવાનું પસંદ કરે છે.

એક રૂમમાં વધારે લોકો હોવાથી કોરોનાનો થઇ શકે છે ફેલાવો 

બંધ રૂમ અને બારીઓ વચ્ચે AC ચલાવવાથી લોકો તે જ હવા વારંવાર શ્વાસમાં લે છે અને છોડે છે જેનાથી હવા દ્વારા સંક્રમણ ફેલાવા લાગે છે. નોર્ડેલે કહ્યું ગરમીની મોસમમાં લોકો ઘરમાં અંદર જ રહેતા હોવાથી ઇન્ફેક્શનનો ખતરો વધી જાય છે. 

એરબોર્ન ટ્રાન્સમિશન દ્વારા સંક્રમણ ફેલાય છે

નાર્ડેલે કહ્યું હતું કે વાયરસ ફેલાવવા માટે જવાબદાર ડ્રોપલેટ્સ મોટે ભાગે ચેપગ્રસ્ત વ્યક્તિને ખાંસી, વાતો અથવા છીંક આવવાને કારણે થાય છે, પરંતુ એવા પુરાવા પણ છે કે ચેપ એરબોર્ન ટ્રાન્સમિશન દ્વારા સંક્રમણ ફેલાય છે. ડ્રોપલેટ્સમાં રહેલા કોરોના વાયરસના કોઇપણ સપાટી પર ફેલાયા પહેલા તે હવામાં રહે છે અને તેનાથી સંક્રમણ ફેલાય છે.