રાજકારણ / ગુજરાતના રાજકારણમાં ગરમાવો! અમદાવાદ આવેલા ઓવૈસીએ જુઓ શું કરી મોટી જાહેરાત

• ગુજરાતના રાજકારણને લઈને મોટા સમાચાર
• AIMIM લડશે ગુજરાતની આગામી વિધાનસભા ચૂંટણી 
• ઓવૈસીએ કરી જાહેરાત 

ત્યારે હવે તેમણે ગુજરાતની આગામી વિધાનસભા ચૂંટણીમાં પણ ભાગ લેવાની જાહેરાત કરતા ગુજરાતના રાજકારણમાં ગરમાવો જોવા મળી રહ્યો છે.

ઓવૈસીએ કરી જાહેરાત 

ગુજરાત પહોંચેલા અસદુદ્દીન ઓવૈસીએ અમદાવાદમાં જણાવ્યું હતું કે, આગામી સમયમાં અમારો પક્ષ ગુજરાત વિધાનસભાની ચૂંટણીમાં ભાગ લેશે.તેમણે વધુમાં જણાવ્યું હતું કે, "અહીં અમે ઘણી બેઠકો પર અમારા સંગઠનને મજબૂત બનાવી રહ્યા છીએ. અમે કેટલી બેઠકો લડશું તે અમારા ગુજરાત યુનિટ દ્વારા નક્કી કરવામાં આવશે. અમે વિધાનસભાની ચૂંટણી તાકાતથી લડીશું."

અતીક અહમદને મળવા જતા ઓવૈસીને અટકાવાયા

આપને જણાવી દઈએ કે ઓવૈસી ઉત્તરપ્રદેશના માફિયા ડોન અતીક અહમદને પણ મળવા જઈ રહ્યા હતા, જે સાબરમતી જેલમાં બંધ છે. જોકે, ગુજરાત પોલીસે AIMIM ના સાંસદ અસદુદ્દીન ઓવૈસીને હોટેલમાંથી બહાર નીકળવા દીધા નહોતા.

ઓવૈસી અહીં તેમના પક્ષના નેતાઓ, મુસ્લિમ સમાજના વિવિધ સામાજિક સંગઠનોના ઘણા પદાધિકારીઓને મળવાની યોજના પર આવ્યા છે. સવારે તેમણે સાબરમતી જેલમાં પહોંચ્યા બાદ ઉત્તર પ્રદેશના માફિયા ડોન અતીક અહમદને મળવાનો કાર્યક્રમ રાખ્યો હતો, પરંતુ એવું કહેવામાં આવી રહ્યું છે કે જેલ પ્રશાસને તેને મંજૂરી આપી નથી. અગાઉ, ઓવૈસીના અતીક અહમદને મળવાના કાર્યક્રમ પછી તરત જ કોંગ્રેસે તેનો વાંધો ઉઠાવતા તેને ભાજપ સાથે AIMIM નું ગઠબંધન ગણાવ્યું હતું.

આજે ઓવૈસી અમદાવાદમાં - ક્યાં -કયારે ? 

ઔવેસી આજે સવારે સાત વાગ્યે અમદાવાદ એરપોટ આવી,હોટેલ જશે ત્યાર બાદ સવારે 10 વાગ્યા આસપાસ સાબરમતી જેલ જશે.ત્યાંથી મુલાકાત બાદ ખાનપુર જ જશે.ત્યાં એક હોટેલમાં પત્રકાર પરિષદ કરશે.સાંજે પાર્ટીના કાર્યકરો સાથે મિલન-મુલાકાત કરશે. રાત્રે 10.30 વાગ્યે હોટેલ પરત ફરશે