ખુશખબર / આ લેબમાં 1 દિવસમાં 2 લાખ લોહીના નમૂના લેવાની ક્ષમતા, એ જ દિવસે રિપોર્ટ મળશે, આ દેશની પહેલી હોસ્પિટલ

• દિલ્હી એમ્સમાં નવી ઓપીડીમાં સ્માર્ટ લેબ, એક જ દિવસમાં રિપોર્ટ અને સલાહ
• કેન્દ્રીય સ્વાસ્થય મંત્રી ડૉ. હર્ષવર્ધને ઓપીડી બ્લોકનું કર્યુ ઉદ્ધાટન
•  2 લાખ નમૂનાઓની ક્ષમતા ધરાવતીઆ લેબ 

દિલ્હી એઇમ્સમાં નવા ઓપીડી બ્લોકમાં સ્માર્ટ લેબની શરુઆત થઈ છે. ગુરુવારે કેન્દ્રીય સ્વાસ્થ્ય મંત્રી  ડૉ. હર્ષવર્ધન અને કેન્દ્રીય સ્વાસ્થ્ય રાજ્યમંત્રી અશ્વનીકુમાર ચૌબેએ રાજકુમારી અમૃતા કૌર ઓપીડી બ્લોકનું વિધિવત ઉદ્ઘાટન કર્યું હતું.

આ ઓપીડીની શરુઆત ફેબ્રુઆરીમાં કરાવામાં આવવાની હતી.ય જોકે કોરોનાને લીધે તે માર્ચ સુધી બંધ રહી હતી. જોકે થોડાક દિવસ પહેલા લીમિટેડ દર્દીઓ માટે આ ઓપીડી સિસ્ટમ ફરી શરુ કરવામાં આવી છે. આ બિલ્ડીંગના 8માં માળે એક સ્માર્ટ લેબ પણ છે. જ્યં 90 મિનીટમાં લોહીનું પરિક્ષણ થાય છે. અને એક જ દિવસમાં રિપોર્ટ આપી દેવામાં આવે છે. બીજુ કે અહીં લોહીના નમૂના  48 કલાક સુધી સાચવી શકાય છે.

એઈમ્સના મેનેજમેન્ટના જણાવ્યા અનુસાર 1 દિવસમાં 2 લાખ નમૂનાઓની ક્ષમતા ધરાવતીઆ લેબ એક જ દિવસમાં ઓછામાં ઓછા 10 હજાર દર્દીઓને રિપોર્ટ આપી શકે છે.  હાલમાં આ લેબમાં 100 પેરામિટર પર પરીક્ષણ કરવામાં આવે છે. આવનારા દિવસોમાં તેને વધારીને 270 કરી શકાશે.

આ બ્લોકમાં ન્યૂક્લિયક મેડિસિન અને ઈમરજન્સી વોર્ડથી માંડીને  તમામ સુવિધા શરૂ કરવામાં આવશે. જેમાં 270 રુમ, 13 નાના ઓપરેશન થિયેટરો, 50 પ્રોસીઝર રુમ, 18 વિભાગ, 85 કાઉન્ટર્સ, દરેક ફ્લોર પર 1 હજાર દર્દીઓ માટે વેન્ટિંગ એરિયા, આખી બિલ્ડિંગમાં વાઈફાઈ સુવિધા પણ છે.