1195 કરોડના ખર્ચે રાજકોટમાં બનશે AIIMS આટલા બેડની હશે સુવિધા

રાજકોટઃ એઇમ્સને સત્તાવાર મંજૂરી મળી ગઇ છે. 45 માસમાં 750 પથારી વાળી એઇમ્સ રાજકોટમાં તૈયાર કરવામાં આવશે. કેન્દ્રિય કેબિનેટે રાજકોટ એઇમ્સને મંજૂરી આપવામાં આવી છે. મેડિકલ કોલેજનું પણ નિર્માણ કરવામાં આવશે. 1 હજાર 195 કરોડના ખર્ચે એઇમ્સ તૈયાર કરવામાં આવશે.

આ અગાઉ ગુજરાતના નાયબ મુખ્યમંત્રી નીતિન પટેલે જાહેરાત કરી હતી. તેમણે કહ્યું કે રાજકોટને AIIMS મળશે અને ખંઢેરી ગામ પાસે 200 એકર જમીન પર બનશે. આ AIIMSથી સૌરાષ્ટ્રને ફાયદો થશે. સૌરાષ્ટ્રના દર્દીઓને આધુનિક સુવિધા મળશે. કેન્દ્ર સરકારે રાજકોટમાં AIIMSને મંજૂરી આપી છે.
 
વધુમાં તેમણે કહ્યું કે આ એઇમ્સ માટે રાજકોટ કલેક્ટર જમીન ફાળવશે. જમીન મળ્યા બાદ કામગીરી શરૂ થશે. ટેન્ડરીંગની પ્રક્રિયા કરવામાં આવશે. 750 બેડની સુવિધાવાળી હોસ્પિટલ હશે. સુપર સ્પેશિયાલિટી હોસ્પિટલ સાથે MBBS સાથે પીજીનો અભ્યાસ થઇ શકશે. AIIMS માટે તજજ્ઞોની કમિટી બનાવાઇ હતી.

નવી મેડિકલ કોલેજને કારણે નવા તબીબોની સંખ્યા વધશે. 20 સુપર સ્પેશિયાલિટી વિભાગો હોવાથી દરેક પ્રકારના દર્દની સારવાર અને ઓપરેશન થઇ શકશે આ સિવાય અનેક લાભો મળશે. જેમકે 750 બેડ દરરોજ 1500 દર્દીઓની ઓપીડી 100 એમબીબીએસ અને 60 બી.એસ.સી.ની સીટ ધરાવતી મેડિકલ કોલેજ પણ મળશે.