કોરોનાના દર્દીના પોસ્ટમોર્ટમ રિપોર્ટમાં જાણકારી મળી છે કે કોરોના ફેફસા જ નહીં પણ કિડની, બ્રેઈન, પેન્ક્રિયાઝ, લિવર અને હાર્ટ સુધી પહોંચીને ઘાતક અસર દેખાડી રહ્યો છે.
AIIMSનો ચોંકાવનારો રિપોર્ટ
કોરોના ફેફસા સિવાય શરીરના આ અંગોને પણ કરે છે અસર
કિડની, બ્રેઈન, પેન્ક્રિયાઝ, લિવર અને હાર્ટને પણ કરે છે અસર
કોરોનાને લઈને AIIMSનો ચોંકાવનારો રિપોર્ટ સામે આવ્યો છે. આ રિપોર્ટમાં ભોપાલમાં એક સ્ટડી કરાયો છે અને સાથે જ તેને મેડિકલ જર્નલમાં પબ્લિશ કરવા માટે મોકલાયો છે. આ રિપોર્ટ ખાસ કરીને કોરોનાના દર્દીના પોસ્ટમોર્ટમ સમયે કરાયો છે. 21 દર્દીના મૃતદેહના રિપોર્ટમાં સામે આવ્યું છે કે કોરોના ફેફસા જ નહીં પણ કિડની, બ્રેઈન, પેન્ક્રિયાઝ, લિવર અને હાર્ટ સુધી પહોંચીને ઘાતક અસર દેખાડી રહ્યો છે.
શું જાણવા મળ્યું છે રિપોર્ટમાં
રિપોર્ટમાં એ પણ જાણકારી મળી છે કે દર્દીના મોતના 20 કલાક બાદ કોરોના વાયરસ દર્દીના શરીરમાં જોવા મળે છે તેના આરટીપીસીઆર રિપોર્ટ પણ પોઝિટિવ આવે છે. ઓગસ્ટથી નવેમ્બર સુધીના 21 કોરોના સંક્રમિતના મૃતદેહનું પોસ્ટમોર્ટમ કરાયું જેમાં 45 ટકામાં બ્રેઈનમાં કોરોના સંક્રમણ હતું તો 90 ટકામાં ફેફસાની સાથે કિડનીમાં પણ સંક્રમણ જોવા મળ્યું હતું. આ સિવાય 35 ટકા મૃતદેહમાં પેન્ક્રિયાસમાં કોરોના સંક્રમણ જોવા મળ્યું. એટોપ્સીમાં 21માંથી 20 દર્દીને પહેલાથી અન્ય બીમારી હતી જેથી એક મૃતક એવા હતા જેનાથી કોરોનાથી પહેલાથી કોઈ બીમારી ન હતી. સાથે ઓટોપ્સી પહેલા દેશમાં ક્યારેય થયું નથી. અને સાથે જરૂરી પરમિશન પણ મળી નથી.