રાજનીતિ / 2024ની ચૂંટણી પહેલા જ AIADMKએ NDAને કહ્યું બાય-બાય: તમિલનાડુ પોલિટીક્સમાં BJP માટે ફાયદો કે નુકસાન?

• AIADMK આજથી બીજેપી અને NDA સાથેના તમામ સંબંધો તોડી રહ્યું છે
• ગઠબંધન તૂટવાની જાહેરાત થતાં પાર્ટીના કાર્યકરોએ ફટાકડા ફોડીને ઉજવણી કરી 
• AIADMK સાથે ગઠબંધનમાંથી બહાર થવું ભાજપ માટે ફાયદાકારક?

હાલમાં, તમિલનાડુમાં ડીએમકે અને કોંગ્રેસની ગઠબંધન સરકાર છે અને બંને પક્ષોના ટોચના નેતાઓએ લોકસભાની ચૂંટણી એકસાથે લડવાની જાહેરાત કરી છે. પરંતુ અહીં ચૂંટણી પહેલા જ એનડીએ ગઠબંધન તૂટયું અને સોમવારની બેઠક બાદ AIADMKએ ગઠબંધનથી અલગ થવાની જાહેરાત કરી છે. 

VIDEO | AIADMK announces to break alliance with BJP in #TamilNadu.

"We are breaking our alliance with BJP and NDA. AIADMK will form a new alliance and face upcoming Parliamentary elections," says party. pic.twitter.com/TWpbMrQKPT

— Press Trust of India (@PTI_News) September 25, 2023

AIADMK આજથી બીજેપી અને NDA સાથેના તમામ સંબંધો તોડી રહ્યું છે
AIADMK તરફથી કહેવામાં આવ્યું છે કે ભાજપના નેતાઓ અમારી પાર્ટીના વરિષ્ઠ નેતાઓ વિરુદ્ધ સતત નિવેદન આપી રહ્યા છે. AIADMK નેતાઓની બેઠક બાદ પાર્ટીના ડેપ્યુટી કોઓર્ડિનેટર કેપી મુનુસામીએ કહ્યું, 'AIADMK આજથી બીજેપી અને NDA સાથેના તમામ સંબંધો તોડી રહ્યું છે.' આનાથી તમિલનાડુમાં ભાજપની આશાઓને ફટકો પણ પડી શકે છે. 

PHOTOS | BJP party workers burst firecrackers in Madurai, Tamil Nadu after #AIADMK announced to break ties with BJP-led NDA. pic.twitter.com/JG2M8PMXhu

— Press Trust of India (@PTI_News) September 25, 2023

ગઠબંધન તૂટવાની જાહેરાત થતાં પાર્ટીના કાર્યકરોએ ફટાકડા ફોડીને ઉજવણી કરી 
આને 2024ની સામાન્ય ચૂંટણી પહેલા ભાજપ માટે આંચકો માનવામાં આવી રહ્યો છે. ગઠબંધન તૂટવાની જાહેરાત થતાં જ પાર્ટીના કાર્યકરોએ ફટાકડા ફોડીને ઉજવણી કરી હતી. ચાલો તમને વિવાદોનું કારણ જણાવીએ.  વાસ્તવમાં, ગઠબંધન તોડવાનો સમગ્ર વિવાદ તમિલનાડુમાં બીજેપી પ્રદેશ અધ્યક્ષની ટિપ્પણીથી શરૂ થયો છે . થોડા દિવસો પહેલા, AIADMK ગઠબંધન કેન્દ્રીય મંત્રી પીયૂષ ગોયલ અને બીજેપી અધ્યક્ષ જેપી નડ્ડાને મળ્યા હતા અને ભાજપના પ્રદેશ પ્રમુખ કે અન્નામલાઈની ટિપ્પણીઓ અંગે ફરિયાદ કરી હતી. જોકે, ભાજપે સ્પષ્ટ કર્યું હતું કે તેઓ સતત પાર્ટી માટે કામ કરી રહ્યા છે અને આવી સ્થિતિમાં તેમને પદ પરથી હટાવી શકાય નહીં. 

கழக நிர்வாகிகளின் செய்தியாளர் சந்திப்பு. pic.twitter.com/AhYWrYvuNJ

— AIADMK (@AIADMKOfficial) September 25, 2023

રાજ્ય સ્તરની રાજનીતિના કારણે ગઠબંધન તૂટ્યું
એવું  કહેવામાં આવી રહ્યું છે કે આ ગઠબંધન તૂટવાનું કારણ AIADMKના વરિષ્ઠ નેતાઓ અને ભાજપના સ્થાનિક નેતાઓ વચ્ચેની ખેંચતાણ છે. વાસ્તવમાં, ભાજપના પ્રદેશ અધ્યક્ષે થોડા સમય પહેલા સનાતન વિવાદ પર ટિપ્પણી કરી હતી અને તેમણે AIADMKના નેતાઓ પર પણ કેટલીક ટિપ્પણીઓ કરી હતી. પાર્ટીએ આ અંગે ભાજપ અધ્યક્ષ અને વરિષ્ઠ નેતાઓને ફરિયાદ કરી હતી. ભાજપની નેતાગીરી રાજ્યમાં પોતાના કાર્યકર્તાઓની સંખ્યા વધારવામાં વ્યસ્ત છે અને આવી સ્થિતિમાં રાજ્યના નેતૃત્વમાં પરિવર્તન ઈચ્છતું નથી. આ કારણોસર બંને પક્ષો ચૂંટણી પહેલા જ અલગ થઈ ગયા હતા.

AIADMK સાથે ગઠબંધનમાંથી બહાર થવું ભાજપ માટે ફાયદાકારક?
તમિલનાડુમાં જયલલિતાના નિધન બાદ AIADMK સાચા અર્થમાં નબળી પડી છે. ચૂંટણીમાં પણ પ્રદર્શન નબળું રહ્યું છે. ગત વખતે લોકસભામાં માત્ર એક જ સીટ જીતી હતી. ભાજપે 5 બેઠકો પર ચૂંટણી લડી હતી, પરંતુ એક પણ બેઠક જીતી ન હતી. આ પછી એઆઈએડીએમકેને વિધાનસભા ચૂંટણીમાં મોટી હારનો સામનો કરવો પડ્યો અને તે સત્તાથી બહાર થઈ ગઈ. હવે ભાજપ પોતાના દમ પર તમિલનાડુમાં પોતાનું સમર્થન વધારવાનો પ્રયાસ કરી રહી છે. તેથી તમિલનાડુમાં ભાજપ પાસે ગુમાવવા જેવું કંઈ નથી, હા, જો તે પોતાની રણનીતિમાં સફળ રહે છે તો AIADMK સાથે ગઠબંધનમાંથી બહાર થવું તેના માટે ફાયદાકારક સોદો સાબિત થઈ શકે છે.