હેલ્થ ટેક્નોલોજી / આર્ટિફિશિયલ ઇન્ટેલિજન્સ (AI)થી બનેલી એપ્લિકેશનથી હવે માનસિક બિમારીથી પિડાતા દર્દીઓનું મોનિટરિંગ કરશે

દર્દી સામાન્ય રીતે ડોકટર પાસે અમુક સમયે જતાં હોય છે. ડોકટર દર્દી સાથે વાત કરીને અને તેની વર્તણુંકના આધારે નિદાન કરે છે. આ વર્ષો જુની પદ્ધતિ છે. ડોકટર સતત મોનિટરિંગ કરી શકતા નથી. તેથી દર્દીની હાલતમાં કેટલો સુધારો થયો કે હાલત કેટલી વધુ બગડી તેના પર સતત મેનિટરિંગ થઇ શકતું નથી. પરંતુ એપ તે કામ કરશે. સંશોધકો કહે છે કે માનવી પર્ફેક્ટ નથી.

ઘણીવાર ડોકટર દર્દીની વાત અને વર્તણુંકને યોગ્ય રીતે નોટિસ કરી શકતા નથી. આર્ટિફિશિયલ ઇન્ટેલિજન્સ સાથેની એપ આ કમી પુરી કરે છે. દર્દીની સ્પીચ અને વર્તણુંક પર તે સતત વોચ રાખે છે. તેના ડેટાના આધારે દર્દીની સ્થિતિ ડોકટર એકદમ સારી રીતે સમજી શકે છે. જેમ કે કોઇ દર્દી સાવ અતાર્કિક રીતે વાત કરતો હોય. તેમાંથી કોઇ અર્થ ન નીકળતો હોય તો તે સ્ક્રિઝોફેનિયાના લક્ષણ હોઇ શકે છે. દર્દી ડિપ્રેશનમાં હોય ત્યારે અલગ રીતે વાત કરતો હોય છે.

એપની મદદથી દર્દીને સતત અને રોજે રોજ મોનિટર કરી શકાય છે.જેના આધારે સચોટ સારવારની ખબર પડે છે. માનસિક બિમારીમાં દવાનો ડોઝ બહું અગત્યનો હોય છે, જે દર્દીની સ્થિતિને ધ્યાનમાં લઇ ડોકટર નક્કી કરે છે. મોબાઇલ એપ દર્દી સાથે 5થી 10 મિનિટ વાત કરીને તેના જવાબો નોંધે છે. દર્દીના ઇમોશન્સને જાણવા તેને કોઇ નાની વાર્તા સંભળાવવા કહે છે. આ ઉપરાંત તેમની હાથની મુવમેન્ટ જાણવા મોબાઇલની સ્ક્રિન પર ટચ અને સ્વાઇપ કરવા માટે કહેવામાં આવે છે. એપ તેનો ડેટા સીધો ડોકટરને મોકલે છે.