અમદાવાદ મ્યુનિસિપલ કોર્પોરેશન સામે ખાનગી તબીબોએ સવારની ઓપીડી બંધ રાખી નોંધાવ્યો વિરોધ
અમદાવાદ મ્યુનિસિપલ કોર્પોરેશન સામે AHNAનો વિરોધ
C- ફોર્મ સર્ટી માટે પડતી મુશ્કેલી દૂર કરવા માગ
નહી તો હોસ્પિટલ્સ બંધ રાખવાની ઉચ્ચારી ચીમકી
અમદાવાદ મ્યુનિસિપલ કોર્પોરેશન સામે અમદાવાદ હોસ્પિટલ્સ એન્ડ નર્સિંગ હોમ્સ એસોસિએશન સાથે જોડાયેલા તબીબો આકારા પાણીએ જોવા મળ્યા છે.
AMCના સી-ફોર્મ સર્ટિફિકેટમાં મુશ્કેલી પડતી હોવાને કારણે ખાનગી હોસ્પિટલના તબીબો દ્વારા વિરોધ કરવામાં આવ્યો હતો. અમદાવાદ વલ્લભ સદન ખાતે મોટી સંખ્યામાં ડોક્ટરો રેલીમાં જોડાયા હતા. સવારની ઓપીડી બંધ રાખીને ડોક્ટર્સે વિરોધ નોંધાવ્યો હતો.
શું છે ડોક્ટર્સની માગ ?
31-3-2022ના રોજે જે પણ હોસ્પિટલના સી ફોર્મ કેન્સલ થઇ રહ્યા છે તેને તરત જ રિન્યુ કરવામાં આવે.
જો સી ફોર્મ રિન્યુઅલ નહી કરવામાં આવે તો 500 હોસ્પિટલ બંધ થઇ જશે જેની અસર સ્વાસ્થ્ય સુવિધાઓ પર પડશે
જો હોસ્પિટલ બંધ થશે તો 15થી 20 હજાર સ્વાસ્થ્ય કર્મચારીઓ બેકાર થઇ જશે
તાત્કાલિક ધોરણે સી ફોર્મ રદ થતા હોય તેમને પાછા આપે અથવા રિન્યુ કરી આપવામાં આવે
હોસ્પિટલમાં સીફોર્મ માટેના કાયદા સરળ કરવામાં આવે
આ વખતે ફોર્મ સી રજિસ્ટ્રેશન એક વર્ષ સુધી એક્સડેન્ટ કરવામાં આવે
ડોક્ટર્સ કેમ નોંધાવી રહ્યા છે વિરોધ ?
અમદાવાદમાં હોસ્પિટલ ચલાવવા માટે જરૂરી C ફોર્મનાં રિન્યુઅલ સમયે BU ની ચકાસણી કરવાની શરૂઆત કરવામાં આવી છે. જેના કારણે અમદાવાદની 700 જેટલી હોસ્પિટલ્સના અસ્તિત્વ સામે જોખમ ઊભું થવા પામ્યુ છે. અગાઉ BU ની ચકાસણી કરવામાં આવતી નહોતી. પણ પહેલી વખત BU ની ચકાસણી કરવામાં આવતી હોવાથી ડૉક્ટર્સમાં નારાજગી વ્યાપી ગઈ છે. હવે ડોક્ટર્સ આ સરળ બને તે માટે રજૂઆત કરી રહ્યા છે.
હોસ્પિટલ બંધ કરવાની ચીમકી
અમદાવાદ વલ્લભ સદન ખાતે સવારથી જ ખાનગી હોસ્પિટલના તબીબો હાથમાં બેનરો લઇને રેલી કાઢતા જોવા મળ્યા હતા. આ તમામ ડોક્ટર્સની એક જ માગ છે સી ફોર્મ રિન્યુઅલ કરવાની અવધિ પૂર્ણ થવા આવી છે જેથી અમદાવાદ મ્યુનિસિપલ કોર્પોરેશન સી ફોર્મ સર્ટીફિકેટ માટે જે મુશ્કેલી પડે છે તેનું કોઇ સરળ માર્ગ કાઢે. તમામ હોસ્પિટલના સી ફોર્મને તાત્કાલિક રિન્યુ કરવામાં આવે. આ અંગે તેઓ રિવરફ્રન્ટ ખાતે એએમસીની ઓફિસમાં કલેક્ટરને આવેદન પત્ર આપશે. અને જો સીફોર્મની માન્યતા માટે જો કોઇ સરળતા નહી કરવામાં આવે તો આગામી સમયમાં હોસ્પિટલ બંધ કરવાની પણ ચીમકી ઉચ્ચારી હતી.