ચિંતા / 2030 સુધીમાં અમદાવાદીઓ ગરમીથી તોબા પોકારી ઉઠશે ! ગુજરાતમાં વધતી ગરમીને લઇને રિસર્ચમાં કરાયો ચોંકાવનારો દાવો

• ગુજરાતમાં વધી રહ્યું છે ગરમીનું પ્રમાણ
• કુલિંગ મેળવવા વધુ વીજળીની પડશે જરૂર
• અમદાવાદમાં  0.81 સેલ્સિયશ સુધી વધશે તાપમાન

જેમ જેમ ટેકનોલોજી વધી રહી છે તેમ તેમ વીજળીનો વપરાશ પણ વધ્યો છે. ભારતના ઘણા એવા રાજ્યો છે જ્યાં વીજકટોકટીની આશંકાઓ સેવાઇ છે.  ત્યારે હવે થોડા સમયમાં ગુજરાતના અમદાવાદનું પણ નામ આ લિસ્ટમાં આવે તો નવાઇ નહી કારણ કે એક રિસર્ચમાં દાવો કરવામાં આવ્યો છે કે 2030 સુધી અમદાવાદનું તાપમાન 0.81 સેલ્સિયશ સુધી વધી જશે. 

અમદાવાદમાં વીજળીની માંગમાં થશે વધારો 

જી, હા એક સંશોધનમાં દાવો કરવામાં આવ્યો છે કે 2030 સુધી અમદાવાદનું તાપમાન 0.81°C સુધી વધશે. જો કે આ વાત વાંચવામાં સામાન્ય લાગે પરંતુ આમ થવાથી રાજ્યમાં વીજળીની માંગ બે ઘણી વધારી દેશે. શોધકર્તાઓના અનુમાનથી જાણવા મળ્યુ છે કે શહેરમાં વીજળીની માંગ 8,001 ગીગાવોટ (જીડબલ્યુએચ) થી 14,744 ગીગાવોટ કલાકની આસપાસ વધી રહી છે.

આ સંસ્થાઓ દ્વારા કરવામાં આવ્યું સંશોધન

એક ખાનગી મીડિયાના રિપોર્ટ અનુસાર ગુજરાતની સરકારી ઊર્જા સંશોધન અને સંચાલન સંસ્થાન (જીઈઆરએમઆઈ), ભારતીય ઇન્સ્ટિટ્યૂટ ઑફ પબ્લિક હેલ્થ, અમેરિકન પ્રાકૃતિક સંસાધન સંરક્ષણ પરિષદ (એનઆરડીસી) અને કોમ્બિયા યુનિવર્સિટી કે મેલમેન સ્કૂલ ઑફ પબ્લિક હેલ્થ દ્વારા આ રિસર્ચ કરવામાં આવ્યું છે. સંશોધન મુજબ રાજ્યમાં ઊર્જાની માંગમાં ભયંકર વધારો થવાની સંભાવના છે. ગરમી વધવાને કારણે બિલ્ડિંગ, રેફ્રિજરેટર, હોસ્પિટલો તથા અન્ય  કૂલિંગ માટે વધુ ઊર્જાની જરૂર પડશે.

તો સરાકરે, વધુ વીજળી ઉત્પન્ન કરવી પડશે 

મહત્વનું છે કે ગુજરાતમાં ઉનાળામાં કાળઝાળ ગરમીનો અનુભવ થઇ રહ્યો છે. તેમાં પણ આ વર્ષે 11મેને છ વર્ષોમાં સૌથી ગરમ દિવસ તરીકે નોંધવામાં આવ્યો હતો.  ભયંકર ગરમીને કારણે દર વર્ષે ગુજરાતમાં વીજળીની માંગમાં વધારો થઇ રહ્યો છે.  તેવામાં આ સંશોધનને સરકારની ચિંતામાં વધારો કરી દીધો છે.  સંશોધન મુજબ સરકારે હવે પહેલા કરતા વધુ વીજળી ઉત્પન્ન કરવા પર ધ્યાન કેન્દ્રિત કરવાની જરૂર છે. 

આ રીતે તમને રાહત મળી શકે છે

નિષ્ણાતોના મતે, ઘણા માપદંડો અપનાવવાથી, વીજળીની વધતી માંગમાંથી રાહત મળી શકે છે. જો શહેરના 12.5-20% નાના અને મધ્યમ પરિવારો માટે સરળ શમન ઉપાયોને અમલમાં મૂકવામાં આવે તો 2030 સુધીમાં માંગ 100 થી 210 GW સુધી ઘટાડી શકાય છે. માંગમાં વધારો થવાથી વધુ કોલસો બાળીને વીજળી બનાવવામાં આવે છે, જેથી ગરમી વધુ વધે છે. જો 210 ગીગાવોટ વીજળીની પણ બચત થાય તો 1.91 લાખ મેટ્રિક ટન કાર્બન ડાયોક્સાઇડ પ્રદૂષણ ઘટાડી શકાય.