સમસ્યા / અમદાવાદીઓ તમારા ટેક્સના પૈસાનું થઇ ગયું પાણી! AMCએ કરોડો ચૂકવ્યા છતાં સોફ્ટવેરમાં 'ખામી'

• ઈ-ગવર્નર્સના નામે AMCના કરોડો રૂપિયા પાણીમાં 
• તંત્રને વોટ્સએપમાં ગુજરાતી ભાષામાં નથી મળી રહી ફરિયાદો
• કરોડો રૂપિયા ચૂકવાયા છતાં સોફ્ટવેર ઇશ્યૂથી સમસ્યા ઠેરની ઠેર 

અમદાવાદમાં શહેરીજનો પોતાની ફરિયાદ વોટ્સએપ થકી મોકલી શકે તે માટેની વ્યવસ્થા કોર્પોરેશન દ્વારા ઊભી કરાઈ હતી. પરંતુ હાલમાં આ સુવિધાએ દુવિધા ઉભી કરી છે. અમદાવાદ શહેરએ રાજ્યનું સૌથી મોટું શહેર છે. તેને સ્માર્ટ સીટી અંતર્ગત સુવિધા ઉભી કરવામાં આવી છે. જેમાં ગત 26જૂનનાં રોજ AMC ને ફરિયાદ કરવા માટે વોટ્સએપ સુવિધા મ્યુનિસિપલ કમિશ્નર દ્વારા કરવામાં આવી હતી. પરંતુ ઓનલાઇન સમસ્યા ગોટાળા સામે આવતા વિપક્ષના કોર્પોરેટર આકરા પ્રહાર કર્યા હતા.

ગુજરાતી ભાષાની જગ્યા એ ????(પ્રશ્નાર્થ) લખાઇને આવે છે
કમિશનરના જાહેરનામા મુજબ ગુજરાતીમાં અરજી કરવાની ફરજીયાત છે. પરંતુ જ્યારે કોઈ ગ્રાહક ગુજરાતીમાં ફરિયાદ કરે છે. ફરિયાદ ત્યાં પહોંચે છે પરંતુ ગુજરાતી જગ્યા એ ????(પ્રશ્નાર્થ) લખીને આવે છે. જેમાં ફરિયાદ જે કરવામાં આવી છે. તેની વિગત દર્શાવતી નથી. ઓનલાઇન ફરિયાદ માટે આદિત્ય માઈક્રો સિસ્ટમને વોટ્સએપ માટે 3.50 લાખ રૂપિયા બે વર્ષ માટે આપવામાં આવ્યા છે. કોમ્યુનિકેશન ચાર્જ માટે દર મહિને 30000 હજાર રૂપિયા આપવામાં આવી રહ્યા છે તેવો આક્ષેપ કરવામાં આવ્યો હતો. 

લોકો ગુજરાતીમાં વોટ્સએપ પર ઢગલાબંધ ફરિયાદો કરી રહ્યાં છે 
કરોડો રૂપિયા ચૂકવાયા છતાં સોફ્ટવેર ઇશ્યૂથી સમસ્યા ઠેરની ઠેર હોવાથી શહેરીજનોમાં રોષ જોવા મળી રહ્યો છે. લોકો ગુજરાતીમાં વોટ્સએપ પર ઢગલાબંધ ફરિયાદો કરી રહ્યા હોવા છતા ટેકનિકલ ઇશ્યૂના પાપે ફરિયાદો પહોંચતી ન હોવાથી સમસ્યાનો પણ  ઉકેલ આવતો નથી. વ્યવસ્થામાં છીંડા  છતાં આદિત્ય માઇક્રો સિસ્ટમ કંપનીને કરોડો રૂપિયા આપવામાં આવતા હોવાના આક્ષેપો કરવામાં આવ્યા છે. આથી ઈ-ગવર્નર્સના નામે AMCના કરોડો રૂપિયા પાણીમાં ગયા હોવા જેવો ઘાટ સર્જાતા લોકોમાં કચવાટ જોવા મળી રહ્યો છે.