શહેરમાં ઈલેક્ટ્રિક વાહન ચાલકો માટે સારા સમાચાર સામે આવ્યા છે. શહેરમાં સીજી રોડ પર ઈલેક્ટ્રિક વાહનોના ચાર્જિંગ માટે સ્માર્ટ પોલ લગાવવામાં આવ્યા છે
અમદાવાદમાં લગાવાયા સ્માર્ટ પોલ
સીજી રોડ પર સ્માર્ટ પોલ લગાવાયા
વ્હીકલ-મોબાઇલ થઇ શકશે ચાર્જ
શહેરમાં ઈલેક્ટ્રિક વાહન ચાલકો માટે સારા સમાચાર સામે આવ્યા છે. શહેરમાં સીજી રોડ પર ઈલેક્ટ્રિક વાહનોના ચાર્જિંગ માટે સ્માર્ટ પોલ લગાવવામાં આવ્યા છે એટલું જ નહી એની સાથે વાઈફાઈ, સીસીટીવી કેમેરા, અને મોબાઈલ ચાર્જિંગની પણ સુવિધા ઉપલ્ધ કરાવવામાં આવનાર છે. આ સ્માર્ટ પોલમાંથી ઈલેક્ટ્રિક વાહનો ચાર્જ થઈ શકશે.
ગુજરાત ઈલેક્ટ્રીક વ્હીકલ પોલિસી-2021
રાજ્યમાં પ્રદુષણના સ્તરને સુધારવા માટે સરકાર દ્વારા ઈ વ્હીકલ પોલિસી 2021 જાહેર કરવામાં આવી છે તે અંતર્ગત આગામી 4 વર્ષમાં રાજ્યમાં 2 લાખ ઈલેક્ટ્રીક વાહનોનો ઉપયોગ કરવામાં આવે તેવા લક્ષ્ય સાથે ગુજરાત ઈલેક્ટ્રીક વ્હીકલ પોલિસી-2021 જાહેર કરવામાં આવી છે. રાજ્યમાં પ્રદુષણનું સ્તર ઘટે એ માટે રાજ્ય સરકાર દ્વારા લોકોને ઈલેક્ટ્રિનીક વાહનોની ખરીદી માટે પ્રોત્સાહન પણ આપી રહી છે.
AMCએ નવા પ્રોજેટકની કામગીરી શરૂ કરી
આગામી સમયમાં અમદાવાદ મ્યુનિસિર્પલ કોર્પોરેશન સ્ટ્રીટ ચાર્જેબલ થાંભલાનો લાભ પણ લોકોને મળતો થશે એટલું જ નહીં ટૂ્ંક સમયમાં AMC પોતાનું સોફ્ટરવેર પણ લગાવશે.જેને લઈ કોર્પોરેશનને કામગીરી શરૂ કરી દીધી છે.
ઈલેક્ટ્રિક વાહનોની ખરીરી માટે પ્રોત્સાહન
મહત્વનું છે લોકો ઈલેક્ટ્રીક વાહનોની ખરીદી માટે આગળ આવે તે માટે રાજ્ય સરકાર દ્વારા ઈલેક્ટ્રીક વાહનોની ખરીદી સબસિડી આપવાની જાહેરાત પણ કરી છે ભારત સરકાર ઇલેકટ્રીક વ્હીકલ પ્રોત્સાહન યોજના (ફ્રેમ-2) અન્વયે વાહન ખરીદનારને જુદા જુદા પ્રોત્સાહનો આપે છે. એવી જ રીતે ગુજરાત સરકાર પણ ઈલેક્ટ્રિક વાહનોની ખરીરી માટે પ્રોત્સાહન આપી રહી છે.
સીજી રોડ પર માટે સ્માર્ટ પોલ લગાવાયા
મહત્વનું છે કે વાહનની બેટરી ચાર્જિંગ માટે ઈન્ફ્રાસ્ટ્રક્ચરની સુવિધા વિકસાવવા અંગેની બાબતને પણ પોલિસીમાં સાંકળી લેવાઈ છે. ભારત સરકારની ઈલેકટ્રીક વ્હીકલ પ્રોત્સાહન યોજના (ફ્રેમ-ર) અન્વયે રાજ્યમાં 278 જેટલા ચાર્જીંગ સ્ટેશન મંજૂર થયેલા છે. રાજ્ય સરકાર આ ઉપરાંત વધુ 250 ચાર્જીંગ સ્ટેશન ઊભા કરવા રૂપિયા 10 લાખની મર્યાદામાં 25% જેટલી કેપિટલ સબસિડી પૂરી પાડશે. આમ, આગામી વર્ષોમાં સમગ્ર રાજ્યમાં 528 જેટલા ચાર્જીંગ સ્ટેશનનું નેટવર્ક ઊભું થશે. જેમાં સીજી રોડ પર ઈલેક્ટ્રિક વાહનોના ચાર્જિંગ માટે સ્માર્ટ પોલ લગાવવામાં આવ્યા છે.