સારવાર / અમદાવાદ ઝાયડસમાંથી રેમડેસિવિર ખરીદવા ટોકન લેવો જરૂરી, આ ડોક્યુમેન્ટ પણ સાથે રાખજો

• અમદાવાદ ઝાયડસ હોસ્પિટલમાં ટોકનથી મળશે ઇન્જેક્શન 
• આજે રેમડેસિવિર ઇન્જેક્શન વેચાણ પૂર્ણ થયું 
• આજે 700 ટોકન આપવામાં આવ્યા હતા 

અમદાવાદ ઝાયડસ હોસ્પિટલમાં રેમડેસિવિર ઈન્જેક્શનની વધતી માગને લઈ ટોકનની સિસ્ટમ કરવામાં આવી છે. રેમડેસિવિર ઈન્જેક્શન મેળવવા માટે દર્દીના સગાઓ પાસે ટોકન હોવું જરૂરી છે. મહત્વનું છેકે, આજથી ફરી રેમડેસિવિર ઇન્જેક્શનનું વેચાણ શરૂ કર્યું હતું.

સવારે 8:30 વાગ્યાથી સાંજે 5:30 સુધી રેમડેસિવિર ઈન્જેકશન વેચાણ થશે. રેમડેસિવિર ઈન્જેક્શનના ફરીથી વેચાણના પહેલા દિવસે 700 ટોકનનું વિતરણ થયું હતું. જ્યારે આવતીકાલે સવારે ફરીથી ટોકન આપવામાં આવશે. જો કે, સમય પૂરો થયા બાદ લાઇનમાં ઉભા રહેલા લોકોને ઇન્જેક્શન ન મળતા નિરાશા જોવા મળી હતી.

ઈન્જેક્શન માટે આટલા પુરાવાની પડશે જરૂર

અમદાવાદની ઝાયડસ હોસ્પિટલમાંથી ઈન્જેક્શન મેળવવા દર્દીનો કોરોનાનો પોઝિટીવ રિપોર્ટ દેખાડવો પડશે. છેલ્લા 7 દિવસમાં ટેસ્ટ કરાવેલા RT-PCRનો રિપોર્ટ માન્ય રહેશે. આ સાથે હોસ્પિટલના રજિસ્ટ્રેશન નંબર સાથે લેટરપેડમાં સ્ટેમ્પ સાથેનું પ્રિસ્ક્રિપ્શન હોવું જરૂરી છે. રેમડેસિવિર ઇન્જેકશન માટે કોવિડ દર્દીના આધાર કાર્ડની એક નકલ સાથે રાખવાની રહેશે. તો ઝાયડસ હોસ્પિટલે જાહેર કરેલી નોટિફિકેશનમાં જણાવ્યું કે, એક વ્યક્તિ એક દર્દી માટે જ ઈન્જેક્શન મેળવી શકશે. 

રેમડેસિવિર ઇન્જેક્શન બ્લેકમાં વેચતો ડૉક્ટર ઝડપાયો

વડોદરામાં રેમડેસિવિર ઇન્જેક્શન વેચતો ડોક્ટર ઝડપાયો છે. PCBએ ડોકટર અને મેલ નર્સની ધરપકડ કરી છે. રેમડેસિવિર ઇન્જેક્શન બારોબાર વેચી મારતા હતાં. PCBએ 2 અલગ અલગ વિસ્તારમાં ટ્રેપ ગોઠવી હતી. રાવપુરા અને પાણીગેટમાં ટ્રેપ ગોઠવી હતી. આયુર્વેદિક ડોક્ટર અને સ્ટાફની અટકાયત કરવામાં આવી છે. રેમડેસિવિર ઇન્જેક્શનનો મોટો જથ્થો પણ જપ્ત કરવામાં આવ્યા છે. રેમડેસિવિર ઇન્જેક્શન 7 હજાર 500 અને 9 હજારની કિંમતે વેચાતા હતાં. આરોપીઓ વિરુદ્વ ગુના દાખલ કરી કાર્યવાહી કરવામાં આવી છે. હજુ પણ કેટલાક મેડિકલ માફિયાના નામો ખુલે તેવી શકયતા છે.