અમદાવાદના નારોલમાં 14 વર્ષની સગીરા સાથે દુષ્કર્મ કેસમાં પોલિટીકલ પાર્ટીના યુવા નેતા સહિત બે આરોપીઓની પોલીસે ધરપકડ કરી
અમદાવાદના નારોલમાં ગત વર્ષે બની હતી દુષ્કર્મની ઘટના
અશ્લીલ ફોટા વાયરલ કરવાની ધમકી આપીને સગીરા પર આચર્યુ દુષ્કર્મ
પોલીસે પોલિટીકલ પાર્ટીના યુવા નેતા સહિત બે આરોપીઓની ધરપકડ કરી
અમદાવાદના નારોલમાં 14 વર્ષની સગીરા સાથે દુષ્કર્મ કેસમાં પોલિટીકલ પાર્ટીના યુવા નેતા સહિત બે આરોપીઓની પોલીસે કરી ધરપકડ કરી છે. ઉલ્લેખનીય છે કે, આરોપીઓએ સગીરાના અશ્લીલ ફોટો બતાવીને બ્લેકમેઇલ કરીને સંબંધ રાખવા માટે દબાણ કરતા હતાં
મોબાઈલમાં અશ્લીલ ફોટો પાડી વાયરલ કરવાની ધમકી આપી દુષ્કર્મ આચર્યુ
આ અંગે પોલીસ સૂત્રોના જણાવ્યા અનુસાર અમદાવાદના નારોલમાં એક 14 વર્ષીય સગીરાએ ફરિયાદ નોંધાવી છે કે ગત દિવાળી સમયે નવા વર્ષના દિવસે સગીરા શુભેચ્છા આપવા અને વડીલો પગે લાગવા ફરતી હતી. જ્યાં પાડોશમાં રહેતો રાજેશ મારુએ સગીરાને ઘરમાં બોલાવી હતી. જે બાદ ઘરનો દરવાજો બંધ કરી બળજબરી પૂર્વક દુષ્કર્મ કર્યું. તેમજ મોબાઈલમાં તેના અશ્લીલ ફોટો પાડી દીધા હતાં. જે ફોટો વાયરલ કરવાની ધમકી આપી બદનામ કરવાનું કહી દુષ્કર્મ આચરતો હતો.
બાદમાં સગીરા સ્કૂલ અભ્યાસ અર્થે જાય ત્યારે આરોપી રાજેશ બાઇક લઈ પીછો કરતો હતો.જો કે એક વખત સ્કૂલ દ્વારા સગીરાના માતા પિતાને જાણ કરતા આરોપી રાજેશને સમજાવ્યો હતો. તેમ છતાં પણ સગીરાને હેરાન કરવાનું બંધ ન કર્યું અને બુલેટ બાઇક પર સગીરાનાનું નામ લખાવી સગીરા ઘર બહાર બાઇક પાર્ક કરતો અને આરોપી રાજેશનો ભાઈ ભાવેશ સંબંધ રાખવાનું દબાણ કરી સગીરાના ભાઈને જાનથી મારી નાખવાની ધમકી આપતો હતો.જો કે બન્ને ભાઈઓના ત્રાસથી કંટાળીને સગીરાના પરિવાર પોલીસ સ્ટેશનમાં ફરિયાદ નોંધાવી હતી.