અમદાવાદમાં આજે ટ્રાફિક સિગ્નલ પર જોવા મળ્યા અનોખા દ્રશ્યો, ટ્રાફિક નિયમોના ભંગ બદલ દંડ નહી પરંતુ વચન માંગવામાં આવ્યું
અમદાવાદમાં રક્ષાબંધનની અનોખી ઉજવણી
અમદાવાદ મહિલા પોલીસે કરી ઉજવણી
ટ્રાફિક નિયમોના ભંગ બદલ રાખડી બાંધીને માગ્યુ વચન
રક્ષાબંધન પર્વની સૌ કોઇ ઉજવણી કરી રહ્યું છે. સીએમ પટેલથી લઇને પોલીસ તથા બોર્ડરના જવાનો પણ રક્ષાબંધન પર્વની ઉજવણી કરી રહ્યા છે. ત્યારે અમદાવાદની મહિલા પોલીસ દ્વારા રક્ષાબંધનની અનોખી ઉજવણી કરવામાં આવી. ટ્રાફિક સિગ્નલ પર હવે તો મહિલા પોલીસ પણ જોવા મળી રહી છે. ત્યારે આ વખતની રક્ષાબંધન મહિલા પોલીસ દ્વારા ચાલુ ડ્યુટીએ કંઇક અલગ જ રીતે ઉજવવામાં આવી.
— Ahmedabad Police 👮♀️અમદાવાદ પોલીસ (@AhmedabadPolice) August 11, 2022
અમદાવાદ મહિલા પોલીસ-TRB દ્વારા રક્ષાબંધનની ઉજવણી
જો તમે ક્યાંય જઇ રહ્યા હોવ અને ટ્રાફિકના નિયમોનો ભંગ કર્યો તો સીસીટીવી કેમેરામાં તો ચોક્કસથી કેપ્ચર થઇ જશો પરંતુ ટ્રાફિક પોલીસથી પણ બચી નહી શકો. ત્યારે આજે અમદાવાદની મહિલા પોલીસ દ્વારા ટ્રાફિકનો નિયમ ભંગ કરનારા વાહનચાલકોને મહિલા TRB દ્વારા રાખડી બાંધવામાં આવી. રાખડી બાંધીને ટ્રાફિક નિયમોનું હંમેશા પાલન કરીને સુરક્ષિત રહે તેવી અપીલ કરી હતી. શહેરના ભાઇઓની રક્ષા માટે મહિલા પોલીસ દ્વારા ખરા અર્થમાં રક્ષાબંધનની ઉજવણી કરવામાં આવી.
જેવી રીતે એક બહેન ભાઇની રક્ષા માટે રક્ષાસૂત્ર બાંધે છે તેવી જ રીતે અમદાવાદ મહિલા પોલીસે પણ ભાઇઓની રક્ષા કાજે રાખડી બાંધીને ટ્રાફિકના નિયમોનું પાલન કરવાનું વચન માંગ્યું. મહત્વનું છે કે ટ્રાફિકના નિયમોનું પાલન કરવામાં આપણી જ સલામતી છે. હેલ્મેટ પહેરવુ, સ્પીડ લિમિટમાં ગાડી હંકારવી સહિતના નિયમોનું પાલન કરવામાં આવે તો જીવનું જોખમ ઘટી જાય છે.