વિરોધ કરતા લોકોને તમે જોયા હશે પરંતુ અમદાવાદની એક મહિલાએ વિરોધ દર્શાવવા જજને 150 કોન્ડમ મોકલી દીધા હતા.
અમદાવાદની મહિલાએ જસ્ટિસને મોકલ્યા કોન્ડમ
બોમ્બે હાઇકોર્ટે આપ્યો હતો યૌન શોષણ પર નિર્ણય
વિરોધ દર્શાવવા અમદાવાદની મહિલાએ કર્યુ આ કામ
ગુજરાતની અમદાવાદમાં રહેનારી એક મહિલાએ બોમ્બે હાઇકોર્ટની જજ પુષ્પા વિરેન્દ્ર ગનેડીવાલાને 150 કોન્ડમ મોકલ્યા છે અને તેનુ કારણ છે કે એક અંડર એજ સાથે યૌન શોષણના મામલા પર જજના નિર્ણયથી તે મહિલા નારાજ છે. ગયા મહિને બોમ્બે હાઇકોર્ટની નાગપુર બેંચે નિર્ણય આપ્યો હતો કે સગીરાને કપડા ઉપરથી અડવાને યૌનશોષણ નહી માનવામાં આવે.
12 અલગ જગ્યા પર મોકલ્યા કોન્ડમ
મહત્વનું છે કે બોમ્બે હાઇકોર્ટની જજને 150 કોન્ડમ મોકલનાર મહિલાનું નામ દેવશ્રી ત્રિવેદી છે. તેણે બોમ્બે હાઇ કોર્ટના વિરોધમાં 12 અલગ અલગ જગ્યાએ કોન્ડમ મોકલાવ્યા છે તેમાં જજ પુષ્પા વિરેન્દ્ર ગનેડીવાલાની ચેમ્બર પણ સામેલ છે.
કોન્ડમ મોકલનારી મહિલાની શું છે માગ
દેવશ્રીએ ઇન્ડિયા ટુડે સાથેની વાતચીતમાં જણાવ્યું કે હું આ પ્રકારનો અન્યાય નહી સહન કરી શકું. જસ્ટીસ ગનેડીવાલાના આ નિર્ણયને કારણે યૌન શોષણથી પિડીત બાળકીઓને ન્યાય નહી મળે. હું માગ કરુ છુ કે ગનેડીવાલાને સસપેન્ડ કરવામાં આવે.
યૌન શોષણ પર બોમ્બે હાઇકોર્ટનો નિર્ણય
બોમ્બે હાઇ કોર્ટની નાગપુર બેંચે ગયા મહિને નિર્ણય આપ્યો હતો કે સગીરાને કપડા ઉતાર્યા વિના અડકશો તો તે યૌન શોષણમાં નહી આવે. આ પ્રકારની હરકતને પોક્સો એક્ટ હેઠળ યૌન શોષણના રૂપમાં પરિભાષિત નહી કરવામાં આવી શકતો.
બોમ્બે હાઇકોર્ટે કહ્યું કે તેમને કોઇ કોન્ડમના પેકેટ નથી મળ્યા. નાગપુર બાર એસોસિયેશનના વરિષ્ઠ વકીલ શ્રીરંગ ભંડારકરે કહયું કે આવુ કરવુ કન્ટેમ્પ્ટ ઓફ કોર્ટ છે. દેવશ્રી ત્રિવેદી વિરુદ્ધ એક્શનની માગ કરી હતી.