ક્યારેક મોબાઈલ પર દેખાતી સામાન્ય ગેમ પણ જીવવું ઝેર કરી શકે છે. અહીં મહિલાને અહીં હોસ્પિટલ સુધી પહોંચાડાવમાં પબજી ગેમ જવાબદાર છે. તમને કદાચ જાણીને આશ્ચર્ય થશે. પરંતુ વાત સાચી છે. મહિલા પબજી ગેમથી એટલી પરેશાન થઈ ગઈ હતી કે, તેણે ગળે ફાંસો ખાઈને આપઘાતનો પ્રયાસ કરવો પડ્યો.
મોબાઈલ ફોન આમ તો બે વ્યકિતના સંપર્કનું કામ કરતો હોય છે. પરંતુ તેનો વપરાશ કઈ રીતે અને કેટલા પ્રમાણમાં કરવામાં આવે છે તેના પર સઘળો મદાર છે. મોબાઈલ ભલે બે વ્યકિતને જોડવાનું કામ કરે પરંતુ, મોબાઈલમાં વિવિધ ગેમમાં રમમાણ રહેવાનું વળગણ લગ્નગ્રંથિથી જોડાયેલી જોડીને પણ તોડી શકે છે. આ વાતને યથાર્થ ઠરાવતો એક કિસ્સો અમદાવાદનાં કૃષ્ણનગર વિસ્તારમાંથી સામે આવ્યો છે. તો લગ્નજીવનમાં પબજી ગેમ (PUBG game) કેવી રીતે બની શકે છે વિલન જોઈએ આ અહેવાલમાં.
ક્યારેક મોબાઈલ પર દેખાતી સામાન્ય ગેમ પણ જીવવું ઝેર કરી શકે છે. અહીં મહિલાને અહીં હોસ્પિટલ સુધી પહોંચાડાવમાં પબજી ગેમ જવાબદાર છે. તમને કદાચ જાણીને આશ્ચર્ય થશે. પરંતુ વાત સાચી છે. મહિલા પબજી ગેમથી એટલી પરેશાન થઈ ગઈ હતી કે, તેણે ગળે ફાંસો ખાઈને આપઘાતનો પ્રયાસ કરવો પડ્યો. જો કે પબજીનું વળગણ મહિલાને નહી પરંતુ તેના પતિને છે.
હકીકત એ છે કે, અમદાવાદ શહેરના કુષ્ણનગરમાં અંજના પાર્ક સોસાયટીમા રહેતી આશા પ્રજાપતિને તેના પતિ નીલેશના પબજી ગેમ પ્રત્યેનાં અસામાન્ય વળગણને કારણે અવાર-નવાર તકરાર ચાલતી હતી. નીલેશ છેલ્લા એક વર્ષથી પબજી ગેમ રમતો હતો. .તેને પબજી ગેમનુ એટવું વળગણ થઈ ગયું હતું કે, રાત્રે નવ વાગ્યાથી મોડી રાત્રે 3 વાગ્યા સુધી તે પબજી ગેમમાં રમમાણ રહેતો હતો. તેની આ કુટેવથી તેની પત્ની આશા કંટાળી ગઈ હતી અને તેના જીવનમાં જાણે સંસાર સુખ અંગે ઘેરી નિરાશા વ્યાપી ગઈ હતી. તેમાં બાકી હતું તો તેણે પતિને ગેમ બાબતે ઠપકો આપ્યો અને તેને માર પડયો.
આખરે કંટાળેલી આશાએ પોતાના જીવનનો અંત આણવાનો નિર્ણય કરી લીધો. અને તેણે ગળેફાંસો ખાધો. પરંતુ સદનસીબે તેનો પરિવાર ઘરે હાજર હોવાથી તેનો બચાવ થયો. પરંતુ મહિલા તેના પતિનાં પબજી ગેમ સાથેના વળગણવિશે કે વાત કરે છે તેણે આ ગેમની ઘાતક અસરો ઉજાગર કરી છે. નિલેશ અને આશાના 2007માં સમાજના રિત-રિવાજ મુજબ લગ્ન થયા હતાં. તેમને 8 વર્ષનો ધ્યેય નામનો દીકરો પણ છે. પરંતુ હાલ સુખી લગ્ન જીવનમાં પબજી ગેમ વિલન બનીને પ્રવેશી ગઈ છે. જેણે તેની પત્નીનું જીવવું ઝેર કરી નાખ્યું છે.
છેલ્લા એક વર્ષથી પતિ ગેમમાં વ્યસ્ત રહેતો હતો અને આખરે પત્નીની સહનશક્તિની હદ આવતાં તેણે આપઘાતનો પ્રયાસ કર્યો. જો કે, પત્નીનાં આ આક્ષેપને પતિએ નકારી દીધા છે. તે બન્ને વચ્ચેના ઝઘડાનું કારણ ઘરમાં આર્થિક તંગીને ગણાવી રહ્યો છે. જો કે, પોતે ક્યારેક જ પબ્જી ગેમ રમતો હોવાનું રટણ કરે છે. ત્યારે દપંતી વચ્ચેનો ઝઘડો પબ્જી ગેમ છે કે ઘરકંકાસ તે તપાસનો વિષય છે.
પબ્જી ગેમ અને ઘરકંકાસનાં વિવાદમાં કૃષ્ણનગર પોલીસે મહિલાનાં પતિ નીલેશ અને તેનાં સાસુ-સસરા વિરુદ્ધા ગુનો નોંધ્યો છે. પોલીસ દ્વારા આ ગેમ પર પ્રતિબંધ મૂકવામાં આવ્યો છે. તેમ છતાં લોકો પબજી ગેમ રમી રહ્યાં છે. હાલમાં તો કુષ્ણનગર પોલીસે આરોપી પતિની ધરપકડની કાર્યવાહી શરૂ કરી છે. પરંતુ સવાલ એ થાય છે કે અગાઉ પણ આ ગેમનાં કારણે એક યુવતીએ પોતાનાં પતિ પાસે છુટાછેડા માંગ્યા હતાં. કારણ કે તે પોતાનાં પબ્જી પાર્ટનર સાથે રહેવા માંગતી ન હતી. ત્યારે હવે આ કિસ્સાએ સમાજમાં પબજીની ઘાતક અસરો અંગે એક નવી ચિંતા ઊભી કરી છે.