કમોસમી વરસાદ અંગે હવામાન વિભાગ દ્વારા વધુ એક આગાહી કરવામાં આવી છે. જેમાં 24 કલાક દરમિયાન રાજ્યના અનેક શહેરોમાં છૂટો છવાયો વરસાદ પડે તેવી શક્યતા વ્યક્ત કરવામાં આવી રહી છે. ત્યારે માવઠાની કયા કયા શહેરો પર અસર રહેશે. તે જાણો vtv ન્યુઝ ના વિગતવાર અહેવાલમાં
આગામી 24 કલાક વરસાદની શક્યતા
આજે હળવાથી મધ્યમ વરસાદની આગાહી
આવતીકાલથી વરસાદની શક્યતા નહિવત
ગુજરાતના મોટાભાગના શહેરોમાં વરસાદ રીતસરનો કહેર વરસાવી રહ્યો છે આવી સ્થિતિ વચ્ચે ખેડૂતોની ચિંતામાં વધારો સમાન સમાચાર સામે આવી રહ્યા છે જેમાં હજુ પણ આગામી 24 કલાક સુધી વરસાદની આગાહી કરવામાં આવી છે રાજ્યના અનેક શહેરોને છુટ્ટો છવાયો વરસાદ ઘમરોળે તેવી આશંકા વ્યક્ત કરાઈ રહે છે. પરિણામે વધુ એક વખત ધરતીપુત્રોની માથે ચિંતાના વાદળો ભરાય છે અને ખેતરોમાં રહેલા ખુલ્લા પાકને લઈને ખેડૂતોના જીવ ઉચક બન્યા છે. જોકે 24 કલાક બાદ વરસાદની શક્યતા ન હોવાનું હવામાન ખાતા દ્વારા જણાવવામાં આવતા ખેડૂતો માટે 24 કલાક બાદ રાહત સમાન આગાહી છે.
ફરી કમોસમી વરસાદની આગાહીથી ખેડૂતો ચિંતામા
હવામાન વિભાગની આગાહી મુજબ અમદાવાદ શહેર સહિત રાજ્યમાં ફરી કમોસમી વરસાદનો માર ખેડૂતોને સહન કરવો પડશે. સતત કમોસમી વરસાદથી ખેડૂતોના ઊભા પાકને પારાવાર નુકસાન થઈ ચૂક્યું છે. હવે ફરી જગતનો તાત મૂંઝવણમાં મુકાઈ ગયો છે. દરમિયાન, આજે વહેલી સવારથી અમદાવાદના આકાશમાં વાદળાં છવાઈ ગયાં હતાં, જેના કારણે સૂર્યનારાયણ તેની પાછળ ઢંકાઈ જવા વિવશ બન્યા હતા.આ ઉપરાંત આગાહી મુજબ શહેરોના વાતાવરણમાં પણ બદલાવ જોવા મળી રહ્યો છે.
IPL મેચમાં વરસાદની સંભાવના નહિવત
હવામાન વિભાગના ડિરેક્ટર મનોરમા મોહંતીના જણાવ્યા અનુસાર આગામી 24 કલાકમાં રાજ્યમાં કમોસમી વરસાદની આગાહી કરાઈ છે. જોકે આવતીકાલે શરુ થનારી IPL મેચમાં વરસાદની શક્યતા નહિવત જોવા મળી રહી છે. પરંતુ વાદળછાયું વાતાવરણ રહી શકે છે. સૌરાષ્ટ્ર, કચ્છમાં હળવાથી મધ્યમ વરસાદની અસર જોવા મળી શકે છે. વધુમાં જામનગર, અમરેલી, રાજકોટ, ભાવનગર, બોટાદ, ભુજ, સુરેન્દ્રનગર, મોરબી,નર્મદા, વલસાડ, નવસારી,દાહોદ, સુરત, અમદાવાદ, ગાંધીનગરમાં કમોસમી વરસાદ પડી શકવાની સંભાવના જોવા મળી રહી છે. જો કે આવતીકાલથી માવઠાનું જોર ઘટતા વરસાદનું પ્રમાણ નહિવત વર્તાઈ રહ્યું છે.