અમદાવાદ / તું તો પટેલના નામે કલંક છું કહીને પૂર્વ કોર્પોરેટર ગીતાબેન પટેલે આપી ધમકી, ઓડિયો થયો વાયરલ

• પૂર્વ કોર્પોરેટરનો ઓડિયો વાયરલ
• ગીતાબેન પટેલ સામે ધમકીની ફરિયાદ
• રાકેશ પટેલે નોંધાવી ફરિયાદ

ઉલ્લેખનીય છે કે, ધમકી આપવા બદલ રાકેશ પટેલે નિકોલ પોલીસ સ્ટેશનમાં ફરિયાદ નોંધાવી છે. કોર્પોરેટર ગીતાબેન પટેલનો ધમકી આપતો ઓડિયો વાયરલ થયો હતો. આ પહેલા ગીતાબેનના પતિ કિર્તિકુમારનો પણ ઓડિયો વાયરલ થયો હતો.

શું છે સમગ્ર મામલો?

વિરાટનગરના કોર્પોરેટર ગીતાબેન પટેલના પતી કિર્તી પટેલનો તોડપાણી કરતો ઓડીયો વાયરલ થયો હતો. રાકેશભાઇ વેકરીયાએ ફરીયાદ કરતા પોલીસ સ્ટેશનમાં ફરીયાદ નોંધાઈ છે. પતરાનો સેડ બાંધતા ગીતાબેન પટેલના સાગરીતો ત્યાં પહોંચ્યા હતાં અને વહીવટ કરવા માટે ગીતાબેનનું વિઝીટીંગ કાર્ડ આપી 20 હજાર રુપીયા વહીવટ પેટે માંગણી કરી હતી.

આ કાળા કારોબારનો ઓડીયો સોશિયલ મીડીયામાં વાયરલ થતા ફરીયાદીને ફોન કરી જેમફાવે તેમ બિભસ્ત ગાળો બોલી મારી નાખવાની ધમકી આપી હતી. જોકે ગીતાબેન પહેલા ભાજપમાં કોર્પોરેટર હતા પછી કોંગ્રેસમાં આવ્યા હતાં. અને આપ વતી ચુંટણી લડવાની તૈયારીઓ કરી રહ્યા છે. પોલીસે આ મામલે જણાવ્યુ હતું કે ઓડીયોની તપાસ કરવામાં આવશે. તેમજ ગીતાબેનની અટકાયત કરી કાર્યવાહી કરવામાં આવશે તેમ જણાવ્યુ છે.