શોખ માટે માણસ કઇ પણ કરે છે. પરંતુ દરેક વ્યક્તિઓના શોખ જુદા જુદા હોય છે. અમદાવાદમાં એક વ્યક્તિને તેના શોખને કારણે આગવું સ્થાન મળ્યું છે. આ વ્યક્તિએ બાળપણમાં જોયેલું સપનું આખરે સાકાર થયું છે. કારણ કે, તેના માટે તેમણે જિંદગીભર મહેનત કરી છે. શું છે આ આગવા અમદાવાદીનો આગવો શોખ અને કેવી રીતે તેમનું સ્વપ્ન હકીકતમાં બદલવા જઈ રહ્યું છે જોઈએ આ અહેવાલમાં.
બાળપણનું સ્વપ્ન 58 વર્ષે થયું સાકાર
ઉલ્લેખનીય છે કે, ગ્રીસનો ૧૨૦૦ વર્ષ પુરાણો સિક્કો હોય કે પછી ટીપુ સુલતાન-ઓરંગઝેબકાળનો કોઈન હોય, ગાયકવાડી અને અંગ્રેજ શાસનકાળના સિક્કાઓથી લઈને વિવિધ 186 દેશની ચલણી નોટોનો અદભૂત સંગ્રહ અમદાવાદના 58 વર્ષના વેપારીએ બાળપણનો શોખને લઈને સંગ્રહાલય બનાવ્યુ છે.
વિશ્વના 186 દેશોના કોઈન અને ચલણી નોટોનો અદભૂત સંગ્રહ
ભારતીય કોઈન અને ચલણી નોટોના સગ્રહ તો જોયા હશે. પરંતુ વિશ્વના 186 દેશોના કોઈન અને ચલણી નોટોનો અદભૂત સંગ્રહ તમને જોવા મળશે. ઓસ્ટ્રેલીયાની કરન્સી હોય કે અમેરિકા, કેનેડા, નેધરલેન્ડ, ફ્રેન્ચ ઇન્ડો ચાઈના , વેસ્ટ આફ્રિકન, રશિયાની ચલણી નોટો અને કોઈનનો ખજાનો. 13 વર્ષની ઉમરે સ્ટેમ્પ ફેરમા ગયેલા 58 વર્ષના અજીત શાહે 45 વર્ષ બાદ પોતાનુ સ્વપ્ન પુરૂ કરવા જઈ રહયા છે.
1 રૂપિયાથી 1000 સુધીનુ કલેકશનનો અદ્દભુત ખજાનો
તેઓ કોઈન અને ચલણી નોટનું સંગ્રહાલય બનાવી રહયા છે. તેમની પાસે ગાયકવાડ, વલ્લભપુર, જુનાગઢ, જામનગર, કચ્છ, તિત્રકુટ રજવાડા તથા ઈસ્ટ ઈન્ડીયાના સિક્કા તથા નોટોનું મોટું કલેકશન છે. આ ઉપરાંત ભૂલો વાળા સિક્કા તેમજ ચલણી નોટો જેમા 1 રૂપિયાથી 1000 સુધીનુ કલેકશનનો અદ્દભુત ખજાનાનુ સંગ્રહ કરવામા આવ્યો છે.
ઈસ્ટ આફ્રીકાની એક ચલણી નોટમાં ગુજરાતી આંકડા
આપને જણાવી દઇએ કે, આ વેપારી પાસે બ્યુટિફુલ કરન્સી તરીકે ઓળખાતી વેનેઝૂએલાની નોટ પણ છે. સામાન્ય રીતે ચલણી નોટ લંબચોરસ આકારની હોય છે, પરંતુ કૈરાકિસ્તાન દેશની ચોરસ આકારની ચલણી નોટ પણ તેમના કલેક્શનમાં રહેલી છે. દરેક દેશની ચલણી નોટો અને સિક્કાઓ પાછળ એક ઈતિહાસ રહેલો છે. ઈસ્ટ આફ્રીકાની એક ચલણી નોટમાં ગુજરાતી આંકડા જોવા મળે છે. આ ચલણીની નોટોનો ઈતિહાસ પણ અલગ છે.
59 રાષ્ટ્રોમાં ફર્યા છે અજીત શાહ
સૌથી મહત્વની વાત એ છે કે અજીતભાઈએ પત્ર દ્રારા વિદેશમાં મિત્રોનો સંપર્ક કરીને સંગ્રહની શરૂઆત કરી. તેઓ 59 દેશોની મુલાકાત લઈ ચૂકયા છે. આ સંગ્રહ કલેકશનને લઈને તેમને 7 વખત રાજય અને 3 વખત યુનિવર્સીટીમા પ્રથમ સ્થાન મેળવી ચૂકયા છે. હવે તેઓ પોતાના ઘરમાં જ એક સંગ્રહાલય બનાવીને લોકોને ચલણી નોટો અને સિકકાઓના ઈતિહાસથી વાકેફ કરાવશે.